E para-atleta Arubano Elliott Loonstra junto cu su coach Luciano Mazzeo a biaha diadomingo ultimo pa Europa pa asina representa Aruba den competencianan di para-atletismo na Italia y Francia.
lliott ta Aruba su prome para-atleta pa e deporte di Para[1]Taekwondo pa cual el a gana varios medaya den diferente competencianan internacional. Na juni 2019 durante e Para Pan-American Championship na Oregon, Estados Unidos el a gana e medaya di brons y na augustus 2019 e tabata e unico para-atleta cu a representa Aruba na e weganan Para PanAmericano na Peru. Na december 2019 el a biaha pa Brazil caminda cu el a keda tres luna pa train y practica e deporte Para-Taekwondo.
Na februari 2020 Elliott a biaha pa Puerto Vallarta, Mexico y a competi na e Mexico Open Para Taekwondo Championship y a logra medaya di brons. Na maart 2020 el a bay e competencia pa kwalificacion na Heredia, Costa Rica pa mira si e por logra un puesto pa representa Aruba na e weganan Paralympico na Tokio, Japon. Aki el a sa di gana e medaya di plata.
Lamentablemente e presencia di e virus Covid-19 a causa un stop na tur deporte aki na Aruba pero Elliott a sigi cu su training na cas via varios workshopnan cu a wordo duna online. Cu apoyo di su famia a pone varios ekiponan na cas pa yuda cu su desaroyo.
Ademas di Para-Taekwondo Elliott a cuminsa train dos otro deporte mas. E Comite Paralympico Aruba a mira su dedicacion y a puntr’e si e ta desea di train atletismo, specificamente javalina y kogel. Elliott a acepta y por mira cu su dedicacion pa cu tur tres deporte ta enorme y ta di admira cu e ta train dos deporte adicional banda di para-taekwondo.
Actualmente e ta na Venezia, Italia pa competencianan di atletismo, specificamente javalina y kogel. Despues di Italia e lo bay competi na Francia y di eynan sigi training y workshop di atletismo na Hulanda prome cu su regreso bek na Aruba
Nos kier desea para-atleta Elliott Loonstra tur clase di exito!
https://www.facebook.com/ArubaParalympicCommittee/
Luciano Mazzeo
Taekwondo Master | Kukkiwon 4th Dan #: 05374178
Aruba Para Taekwondo Coordinator
Aruba Para Taekwondo International Coach
World Para Taekwondo Poomsae Committee Member
World Para Taekwondo International Coach Level 2
World Para Taekwondo National Classifier Level I
World Taekwondo International Coach Level 2
World Taekwondo Pan America Coach Level 5
+297 630 47 43
Skype : lmazzeo
ArubaTaekwondo.org
Aruba Paralympic Committee
International Coach
