Ministerio di Transporte Comunicacion y Sector Primario a tuma e iniciativa pa prioritiza vacunacion pa tur esnan den Transporte Publico. Tumando na cuenta nan funcion esencial pa nos comunidad y turismo, ta importante pa nan tuma e vacuna contra Covid-19 mas pronto posibel.
Ta pidi encarecidamente pa tur esnan den transporte publico pa por fabor completa e proceso di peticion pa vacunacion, di e siguiente manera:
1. Download y registra via Aruba Health App,
2. Registra na: [email protected] of Whatsapp nummer +297 5948659
• Nomber
• Adress
• Number di contact
• Email
• Fecha di nacemento
• AZV nummer
E contagio cu Covid-19 ta sigi aumenta y ta importante pa trahadornan den transporte publico considera y aplica e vacuna.
Vacuna ta un decision personal y NO ta obligatorio.
Ban registra, ban preveni contagio y ban vacuna pa nos por ta parti di e solucion pa un mihor Aruba.