Home Police Boksmento entre Suzuki Ignis y un truck a laga un dama herida...

Boksmento entre Suzuki Ignis y un truck a laga un dama herida atras

SHARE

Piedra Plat – Diaranson atardi algo pasa di 6’or un boksmento a sosode entre un Suzuki Ignis y un truck di e compania ATCO.

Na e sitio nos a compronde cu e dama chauffeur di e Suzuki durante cu e la bay bira na su man robes a rasca su vehiculo na un parti dilant di e truck di ECOTECH. Por a nota cu e truck tawata mita ariba caminda y a laga esey para mesun manera te ora seguro y/of polis di trafico yega.

Algun rato despues ambulance a yega unda cu paramediconan a atende cu e dama chauffeur, debi cu e lo tawata sinti dolor na nek.

Daño material ta chikito.