64
Seroe Colorado: Diadomingo den careda di 10’or di anochi net momento cu Toque de Queda a drenta na vigor, na e bushalte na entrada di Colony, personal di Guarda Nos Costa a topa cu personanan indocumenta. Officialnan di Guarda Nos Costa a logra pone man riba algun, pero e otronan a core bay.
Mesora a pidi asistencia di polis di San Nicolas pa yuda busca e otro ilegalnan cu a logra core, tambe Kustwacht a bay den e area aki y a piki varios lifevest cu tabata benta na diferente parti. Kustwacht a topa cu e boto cu lo mester a trece nan pega riba baranca cerca di costa.
E buskeda a sigui y autoridad a logra pone man riba mas cu 10 persona cu a drenta nos isla ilegalmente.