Home Politics Den cuadro di IMF Spring Meetings: Minister Xiomara Maduro a reuni...

Den cuadro di IMF Spring Meetings: Minister Xiomara Maduro a reuni cu e Executive Director pa Reino Hulandes na IMF

SHARE

ORANJESTAD – Diahuebs ultimo Minister Maduro a reuni cu e Executive Director pa Reino Hulandes na IMF sr. Paul Hilbers y a toca diferente tema cu IMF ta brindando yudansa na Aruba. A conbersa, entre otro, riba e resultado positivo di e Article IV mission di Aruba cu recientemente a keda publica. Tambe riba e asistencia y apoyo technico cu IMF ta brindando Aruba riba e tereno fiscal, maneho di gastonan di personal, sostenibilidad di debe y maneho presupuestario. Banda di esaki a trata hunto cu Banco Central e scan financiero cu ta un di e condicionnan di e ‘Landspakket’ pa por sigui haya fiansa for di Hulanda. Den IMF, Aruba por conta cu e asistencia y experticio di Sr Hilbers y su team pa asina Aruba por sali mas fuerte y supera e efectonan di e pandemia.