Diabierna 16 di April Gregory Milliard lo subi octagon di Bellator y Aruba.tv Canal 49 lo transmiti e evento aki en bibo. Despues di algun reunionan virtual porfin siman pasa Aruba.tv a obtene e derechonan exclusivo pa transmisión di Bellator 257 na unda nos campeon di MMA Gregory Milliard lo enfrenta Julius Anglickas.
Bellator ta un di e organisacionan mas grandi di peleanan di MMA na USA , cu ta
comparable cu esun di UFC.
E senjal di Aruba.tv tambe por ser disfruta via e pantayanan gigantesco di Drive-Inn y
IMax cinemas y te hasta nos hermana isla Corsow ta pendiente di e pelea aki y unda
esaki tambe lo por ser disfruta via nan iMax Cinema Curacao.
Transmisión di e evento aki lo cuminsa dia 16 di April pa 5:30pm for di studionan di
Aruba tv.
Ta pidi henter e pueblo di Aruba pa sintonisa y apoya nos gran atleta Gregory Milliard
dia 16 di April proximo.