Home Local Señor Jullian “Juni” Jones q.e.p.d. Atleta, Entrenador /Coach y Dirigente di Volleyball

Señor Jullian “Juni” Jones q.e.p.d. Atleta, Entrenador /Coach y Dirigente di Volleyball

SHARE

Jullian Juni Jones, un persona cu a dedica un gran parti di su bida deportivo, como atleta, entrenador/ coach y dirigente di su Organisacion di Volleyball. Un persona cu na edad hoben a cuminsa cu e deporte di volleyball y a sigi duna su aporte durante su trayectoria den diferente ramo di e deporte.

Como atleta Juni a competi den competencianan nacional y a representa Aruba den competencianan internacional.
Juni un persona cu tawata un ehempel, door cu despues di su carera como atleta, cu hopi dedicacion a entrena hobennan y adultonan pa añanan largo.
Juni Jones, un persona cu carisma y gran personalidad!

Atleta, Dirigente di su Organisacion, Trainer/ Coach di su teamnan y di seleccion nacional di Aruba, Miembro di Comision Tecnico, Narador na Competencia Internacional di “World Championship Qualification Tournament” cu a tuma lugar na Aruba na aña 2016.

Juni a cuminsa cu e deporte di volleyball for di añanan 70 y na comienso di aña 2020 – mas cu 50 aña – , Juni Jones, na un edad respeta, ainda a Coach su Team Hubenil Gazelles den e weganan final di campeonato nacional. Esaki a bira e ultimo wega cu Juni Jones a dirigi su Team Hubenil.

Juni un persona respeta y stima, cu a dedica hopi aña na su organisacion y na volleyball di Aruba en general.

Cu Coach Jullian “Juni” Jones sosega na paz.