Home » Merca lo saca tur su trupanan for di Irak

Merca lo saca tur su trupanan for di Irak

by Admin
0 comment 62 views

WASHINGTON, ESTADOS UNIDOS –

Merca lo saca tur su resto di trupanan militar for di Irak, nan ta na Irak pa yudanan combati e grupo terorista Islamico radical ISIS. Esaki a wordo palabra entre e dos paisnan diaranson ultimo, asina e Ministerio di Asuntonan Exterior Mericano a duna di conoce.

E motibo di e retiro for di Irak segun e paisnan ta, cu a aumenta e capacidad di e forsanan di seguridad Iraki.
Despues lo wordo palabra ki tempo e trupanan militar Mericano y di otro pais lo bandona Irak. E trupanan ta staciona na Irak pa yuda den e bataya contra ISIS.

Den e periodo transitorio aki, e trupanan Mericano y e otro trupanan internacional lo keda duna cooperacion na e ehercito Iraki, pa asistinan durante training, cu ekipo y durante operacionnan di combate. E cooperacion aki ta uno strategico y sigur uno exitoso, segun e paisnan.
E forsanan arma Iraki, mes lo percura cu nunca mas ISIS lanta cabes den e pais y menasa e stabilidad di Irak.

Desde cu Joe Biden a bira Presidente di Merca, e dos paisnan aki a tene nan prome dialogo strategico.
Segun ambos pais, e ehercito Iraki a mehora bastante. Mescos cu ex Presidente Trump, Biden tambe ta busca un manera pa caba cu e sin fin di guera. Bou di presidencia di Trump, e cantidad di e trupanan mericano a baha cu 2500.

E desicion di diaranson ultimo a wordo tuma mientras di otro banda,  e trupanan mericano staciona na Irak ta wordo diariamente bombardea pa raketnan di e gruponan paramilitar Chiíta cu tin lasonan cu Iran. Irak a priminti di protega e basenan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio