Home Politics Parlamentario Darlaine Guedez-Erasmus (MEP): FASE – Alivio y Solidaridad

Parlamentario Darlaine Guedez-Erasmus (MEP): FASE – Alivio y Solidaridad

SHARE

Mirando cu mas di un aña di e pandemia a pasa, nos por mira cu na Aruba y rond di mundo, lamentablemente hopi hende a perde nan entrada y hogarnan a keda sin finansas y sin por cubri gastonan. E crisis pisa aki a toca na porta di cada famia y ta influencia nos estado di salud y financiero. 

 

Pa loke ta e parti financiero, gobierno cu e prestamo di hulanda ta haci su maximo esfuerso pa nos tur como pueblo surpasa e crisis aki. Banda di esey, tin di nos cu a entrega 25%, 20%, 12.6% of 4.5% di nos salario pa contribui cu fase. Di e manera ey nos ta solidario cu esnan cu a perde entrada. 11.783 persona a haci uzo di FASE. Cual a suma na 50 miyon Florin te na februari 2021.

 

Aruba a brinda un man na personanan y nan famia cu ta pasando mas dificil den e momentonan aki. Covid ta un crisis serio cu ta afecta cada un di nos, pero di un cos mi ta sigur cu hunto nos lo vence, manera Aruba ya den pasado a haci caba.

Cada un di nos por haci un diferencia y ta di ayudo pa un otro, e no ta tuma hopi, di e tiki cu nos tin nos por duna na un otro cu tin menos, ya nos ta yudando nos prohimo y contribui pa nos hiba nos Aruba padilanti.