Home » Rotaract Club of Aruba y ‘The Graduation Project’ a organisa un anochi interactivo na Colegio Arubano Cu un workshop di ‘future-mapping’

Rotaract Club of Aruba y ‘The Graduation Project’ a organisa un anochi interactivo na Colegio Arubano Cu un workshop di ‘future-mapping’

by Admin
0 comment 58 views

Oranjestad – E aña aki, Rotaract Club of Aruba hunto cu ‘The Graduation Project’ (TGP) tabata bek na Colegio Arubano pa motiva y inspira studiantenan di Havo 5 y VWO 6 cu tipnan valioso cu nan por hasi uzo di dje den nan examenjaar como den transcurso di nan estudio.

Motivacion y inspiracion di studiantenan den nos comunidad durante e ultimo lunanan escolar, mirando e desaroyo di e pandemia, ta hopi abao. Pero, The Graduation Project tey pa recorda nos studiantenan cu nan no ta nan so. P’esey, recientemente a tuma lugar e ‘Map Your Future’ workshop pa studiantenan di Havo 5 y VWO 6 di Colegio Arubano cu dos invitado special, Johnny Boekhoudt – Psicologo na Centro Ortopedagogico y Thaïs Franken – Docente na Universidad di Aruba.

Durante e sesion interactivo aki, e invitadonan special a percura pa informa e studiantenan di kico tur ta nan posibilidadnan una bes nan gradua Colegio, pero tambe por a scucha di studiantenan cu nan a sintinan motiva y inspira pa sigui danki na e storianan y experencianan personal di cada un invitado special como tambe miembronan di e comision di TGP. Asina a toca e topiconan di tur e estudionan disponibel na nivel academico y practico di entre otro sector Creativo (Creative Industries); A discuti riba e tema di e balor agrega di un estudio academico local y internacional, y tambe filosofia riba e importancia di haci bo pasion bo profesion. Naturalmente, e futuro graduadonan aki a tuma e momento pa lansa nan preguntanan y preocupacionnan pa cu e siguiente etapa crucial den nan bida.

Rotaract Club of Aruba hunto cu TGP kier a gradici e comision organisatorio bou di liderazgo di Sr. Bjorn Vrolijk y Daneshka Rodriguez pa e tremendo trabou y dedicacion pa cu nos hobennan, nos invitadonan special Johnny Boekhoudt y Thaïs Franken pa nan tempo y aprecio pa e proyecto aki, y tambe Colegio Arubano y e futuro graduadonan pa nan interes y atencion – pa haci e anochi aki un exito rotundo.

No a resta nos nada otro cu desea cada un di e studiantenan aki hopi exito e siguiente simannan aki. Nos sa cu boso por!

Por sigui e trabounan cu Rotaract ta haci via Facebook: Rotaract Club of Aruba of via Instagram: @rotaractaruba. Pa mas informacion di nos club por bishita www.rotaractaruba.com

TGP 2021 Press Pics

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio