Home Police Quadracer a accidenta patras di Light House, manehador a resulta herida

Quadracer a accidenta patras di Light House, manehador a resulta herida

SHARE

West Punt – Dialuna anochi polis a bay patras di Light House unda e tera color cora ta. Eynan un quadracer a bolter lagando e persona herida.

Mesora esnan cu tawata hunto cu ne a bati alarma y pone tanto polis y ambulance na altura.

Na e sitio nos a compronde cu e manehador tawata haci algun maniobra cu e vehiculo di motor y pa un of otro motibo a perde control y ta resulta herida.

Na yegada di e unidadnan esta di polis y ambulance nan ta topa cu e persona herida drumi den un baki di pick up cu basta dolor.

Paramediconan a stabilisa e manehador prome cu nan a sali direccion Hospital. 

Polis di trafico a tuma tur dato.