Home International Con calor a afecta e planeta den 2020 mas cu tur otro...

Con calor a afecta e planeta den 2020 mas cu tur otro aña

SHARE

2020 tawata un aña dificil pa nos tur, pero no lubida cu e tawata dificil pa e mundo tambe. Majoria di hende sa di e consequencianan di nos actividadnan di cada dia. Nos ta core auto, uza coriente, tin di nos cu tin bestia nan, etc. Ora tin desaster natural e ta mas tanto door di e calor. E calor ta mustra su mes door di e secura den cierto parti di mundo, olanan tropical, y candela di mondi.

E aña 2020 ta e aña mas calor sin contando 2016 cu ta igual’e den temperatura. E temperatura di henter mundo a hisa cu 2 graden fahrenheit. Aunke cu e planeta a haya un chens chikito pa recupera door di Covid-19, no ta e sushi cu nos ta causa ta e unico rason pa e cayente. Broeikas gassen(Greenhouse gasses) ta e causa mas grandi di nos calor, e ta bin for di agricultura(bestianan mane baka of cabrito nan afval), auto, kimando carbon y uzando fossile brandstoffen. Loke ta peligroso ta cu e cayente ta keda rond mundo pa hopi tempo, pues loke nos a hasi aña pasa ta bay sigui nos den 2021.

E candelanan grandi di mondi aña pasa na Australia ta un prominente rasgo di con cayente e mundo a bira. Normalmente e candelanan ta pasa, pero door cu e mundo a bira mas calor e la causa cu e candela por a crece y bira enorme y a resulta den 191,000 hectares kimá pa 79 dia. E huma tawata asina grandi cu e por a wordo mira via satellite.

Tin candela cu nan ta yama “zombie candela”. E tipo aki ta “paga” pa un tempo riba e superficio di e tera durante winter. E ta keda kima bou di tera te ora spring yega bek y e ciclo di candela di mondi ta cuminsa di nobo.

Den 2020 e ijs di lama artico a casi yega na un bajo nobo, 2012 ta e aña cu e ijs a smelt mas. E solo ta duna nos atmosfera e cayente y e atmosfera ta wante, esaki ta controla con e temperatura di e lama ta cambia. E aña cu a pasa tawatin un temperatura superficio straño. E humedad cayente cu ta bin for di e lama ta duna poder na e ola tropicalnan. Mas cayente e lama bira, mas ola tropical y horcan nos lo haya y pio lo nan bira.

Señora Ott, cu ta traha na NASA, ta bisa:”-temporada tras di otro di candela di mondi y di horcan ta mustra nos cu esaki ta e cambionan cu ta bin for di cambionan di clima. Nos tin hopi chens di haya un aña mesun calor mane 2020 atrobe. Actividad di humano tin hopi poder sobre kico ta pasa cu nos naturalesa. Nos lo mester implemeta technologia di un manera limpi pa nos por reduci emision sin affecta hende nan bida”

Nos tin cu compronde cu nos actuacion awendia ta impacta nos mañan.

Fuente/ Source – Lesley Ott, Research meteorloog di Goddard Space Flight Center