Marduga: Polis a detene conocido Gino cu caha nobo di bleach

Paradera – Dialuna marduga patrouille di Playa ta topa cu un conoci di nan ariba caya y esaki ta uj violacion di TDQ. 

Mesora polis a bay atende cu ne y ta ripara cu e tin un caha cu ne.

Tawata trata di un caha nobo di bleach nobo o sea clorox.

Ta imposibel cu e ora ey den careda di 1:30 un supermercado por ta habri pa e por e cumpra esaki.

E la wordo aresta pa TDQ y ladronicia.

Despues cu transportwagen a yega y hibe warda di polis, e patrouille a bay tira bista na Morning Supermarket y tambe Hong Kong Supermarket.

Pero no a logra mira algo cu ta mustra na kiebro.