Home » Cumindanan cu ta mantene bo celebro den excelente condicion, Bon humor y bo memoria funcionando optimalmente

Cumindanan cu ta mantene bo celebro den excelente condicion, Bon humor y bo memoria funcionando optimalmente

by Admin
0 comment 139 views

Pa ta Alerto, ta atento, tin un bon humor y un memoria trahando optimalmente, cada biaha mas y mas ta keda demostra cu ta depende di locual bo ta come, paso e cuminda cu bo tin riba bo tayo no ta solamente pa bo curpa, pero e ta pa bo celebro tambe.

Semper mester percura pa bo tin e 6 alimentonan aki regularmente riba bo menu y bo celebro lo ta keda bo gradicido.

1. Piscanan vet
Vetnan no satura ta e componentenan basico mas importante pa nos celebro. E vetzuurnan no satura mas adecuado pa nos celebro, ta esunnan di pisca. Den e piscanan vet manera Salmou, haring macrel y sardin, nan ta contene hopi di e vetzuurnan di pisca cu ta Omega-3. For di investigacionnan a sali na cla cu comemento di e piscanan aki ta protega e celebro di deteriora, ora un persona yega un edad avansa.

2. Noot
Nootnan, especialmente walnoot, ta perfecto cuminsa pa bo celebro. E no ta contene solamente fibra, cu ta bon pa bo tripa, pero ta contene e vetnan bon. Den Nootnan tin hopi vet no satura y di tur e nootnan walnoot ta esun cu tin mas Omega-3 vetnan. Por ta esey ta e motibo cu nan lo ta parce un celebro?

3. Chuculati puro
E poder cu chuculati tin, ta mas probabel den e Polyfenool. Tin indicacion cu e substancia aki ta reduci e chens di slagaderverkalking y infeccionnan. Polyfenool ta un substancia cu ta aparece den cacao natural. Pero Polyfenool ta wordo haya tambe den binja, azeta di olijfie, berries, thee, coffie, walnoot y berdura.

4. Koffie
Cafeina ta subi bo estado di alerta y bo capacidad di concentracion, esaki segun investigacionnan cientifico. Tambe tin indicacionnan cu 3 pa 4 kopie koffie pa dia ta proteha bo celebro contra demencia. Ainda no ta full cla si esaki ta bin di e cafeina of di otro constituyente den Koffie.

5. Berdura
Hopi berdura y di tur color. Personanan den cu ta biba den blue zones, cu ta partinan na mundo caminda habitantenan ta biba entre 90 cu 100 aña, bon di salud y mentalmente salud na un edad halto. Esaki lo tin di haber cu e cantidad di berdura cu nan ta come. Berdura ta duna e curpa hopi substancia bio activo. Cada color di berdura ta duna e curpa un otro sorto di substancia bioactivo. Nan ta funciona como antioxidante y nan por yuda preveni dañonan directo na e celulanan celebral. Berdura ta contene polyfenol tambe, cu ta yuda mantene e adernan celebral den bon condicion, e ta mantenan salu. Riba dje berdura tin hopi fibra. Berdura ta beneficioso pa bo tripanan y tambe pa bo celebro.

6. Productonan fermenta
Yoghurt, kefir,  zuurkool, Kimchi etc., tur ta ehempelnan di productonanan cu ta contene bacterianan bibo. Esakinan ta productonan cu ta contene bacterianan di melkzuur cu ta beneficioso pa nos salud. Nan tin un influencia positivo riba e composicion bacterial den nos tripa. Esaki ta traha mescos cu e bacterianan bon (probiotic) cu ta wordo añadi den bebidanan cu ta contene lechi of den puiro. Mas miho e composicion bacterial di bo tripa ta, mas benificioso e ta probablemente pa bo celebro.

E por ta zona straño, pero un gran parti di e salud di bo celebro tin di haber cu bo tripanan. Den mas miho estado di bo tripa ta, mas beneficioso e ta pa e funcionamento di bo celebro.  Rond di nos tripa tin un sistema di nervio, cu ta wordo yama e di dos celebro. E sistema di nervio aki ta regula tur locual tin den bo curpa y ta manda señal pa e celebro of visa versa.

Pa por mantene e di dos celebro, e bacterianan den bo tripa ta hunga un rol importante.  Mas varia e composion di e bacterianan den bo tripa ta, mas miho esaki ta pa mantencion di e di dos celebro. Entre otro come cumindanan cu ta contene hopi fibra, ta yuda e composicion di bacteria den tripa keda varia. Fibra ta un excellente alimento pa e bacterianan den nos tripa.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio