Home Police Intencionalmente: Chauffeur di Celta color cora a primi peaton entre dos auto

Intencionalmente: Chauffeur di Celta color cora a primi peaton entre dos auto

SHARE

Adriaan Laclé Boulevard – Diabierna anochi pa mas o menos 8’or polis a bay Citgo Oranjestad, unda chauffeur di un Celta color cora intencionalmente a primi un persona entre dos auto.

E cabayero victima na un manera decente a pidi e chauffeur problematico si e por hala e auto un poco. Aki ta unda e chauffeur problematico a reverse y intencionalmente a bin dilanti primi e homber contra un otro auto.

Ora e la reverse pa bay e tire a pasa ranca un huña di e victima.

E mesun homber aki mas trempan a haci problema na Alhambra Casino, unda e lo a ataca y maltrata un security guard cu un obheto.

For di e momento eynan polis lo ta buscando e.

Lo no dura mucho cu polis lo sa di haya e persona problematico aki y abusador.