Home Local Hulanda lo cubri tur gasto di e pashentnan cu ta bin for...

Hulanda lo cubri tur gasto di e pashentnan cu ta bin for di Corsou

SHARE

Oranjestad:
Na comienso di siman a cuminsa circula den medianan hulandes, cu Hospital di Aruba lo bay tuma pashentnan di Covid-19 over for di Corsou.

E hospital di Corsou ta yen, tin 103 persona interna y tin 3761 caso activo, e situacion ta hopi alarmante.

Segun un bon fuente, Corsou a trata di haci tur cos posibel pa nan mes atende cu nan pashentnan, nan lo a pidi Hulanda pa yudanan den esaki, pero cu Hulanda no a yudanan cu e financiamento di ekipo, pero a opta pa un otro alternativa, cu ta manda e pashentnan pa Aruba. Tur e prome 6 pashentnan dos cu a yega awe y cuater cu lo yega mayan, lo wordo interna den I.C.U. na Aruba.

Aruba su situacion di Covid-19 no ta di e magnitud manera di Corsou, pero si mester keda cuida y e pueblo mester keda mantene su mes na e medidanan cu ta na vigor y vacuna. Asina so lo por evita cu e situacion na Aruba tambe lo por escala.

Segun tin papia cu Aruba no lo core cu niun gasto di e pashentnan cu ta procedente di Corsou. Hulanda lo paga pa tur e gastonan di tratamento, cual ta inclui te hasta e gastonan di enfermeronan y e overtimenan. Diabierna atardi nan a keda cla cu e camanan den ICU y asina por a ricibi e prome dos pashentnan.