Chauffeur di pickup a cera brake, e ciclista biniendo patras di e pickup no a mira esaki na tempo y a dal su tras

L.G. Smith Boulevard: Diabierna den orana di atardi a sosode un accidente dilanti di e cura di Marriott Aruba Beach Resort, un ciclista a dal contra un auto y a keda herida. Mesora a manda ambulance y polis na e sitio.

Na yegada nan a bin topa cu un pickup Ford y un ciclista herida, polis mesora a cera e caminda.

Na e sitio nan a bin compronde cu e ciclista tabata bayendo direccion zuid patras di e pickup, na dado momento e pickup a dal un brake y e ciclista no por cera brake na tempo y a dal patras di e pickup.

Polis di trafico tambe a presenta na e sitio pa tuma datos.