Avenida Alo Tromp/ Emmastraat – Diahuebs anochi den careda di 9:35 start un persecusion di patrouille di Playa den Avenida Alo Tromp.
Un persecusion cu por bisa cu hala atencion di hopi habitante den e caya y tambe automobilistanan, mirando cu no tawata falta mucho pa TDQ cuminsa.
Pakiko e persecusion a hala atencion, debi cu segun nos por a compronde e agentenan tawata coriendo den rond. Agentenan tawata na pia altura di ex Pinocho y tambe You Wanna Beer.
Di eynan e sospechoso cu tawata na stuur di un Nissan March cu a dal contra un palo di luz a baha y tawata core rond na pia, y polisnan su tras.
A logra aresta e homber cu a resisti banda di ex Hotel Bacarat, unda cu transportwagen di CEA a presenta y a hibe warda di Playa.
E Nissan March a keda pega contra e palo di luz y mester a pidi departamento di trafico tambe na e sitio y tambe Elmar.
Pa loke ta e patrouille e vehiculo no a sufri daño.
Pues posiblemente durante patrouille e Nissan March aki a hala atencion di polis ora e la haci algo y kier a core bay, unda cu a termina na aresto di e chauffeur y un auto kibra.
