Crisis Team: Number pa yama si bo tin sintoma durante dianan di Pasco Grandi.

Oranjestad, 2 di pril 2021- Crisis Team ta desea di informa comunidad di Aruba cu durante e dianan aki di Pasco Grandi, si un persona ta sinti sintoma di COVID, e por yama telefonicamente pa bay haci un test. E number pa yama ta 2800101 y e orario cu por yama ta entre 8:00 a.m. cu 8:00 p.m. unicamente den e weekend di pasco grandi. E persona cu yama lo haya un codico cu e mester buta den su Aruba Health App of bay cu e codico aki na laboratorio di Dr. Horacio Oduber Hospital pa haci un COVID test. Durante e dianan aki di Pasco Grandi ta sumamente importante pa nos comunidad sigui cumpli cu e medidanan y reglanan pa preveni pa keda contagia cu e virus. Ta hopi importante pa asina cu bo sinti sintomanan di COVID pa no tarda pa bay haci test di COVID. Bo mester isola bo mes na cas y yama specialmente e number 2800101 durante e ora indica pa bo haya un codico pa bay haci un test. Mas trempan bo haci bo test, mas chens bo tin cu si bo tin COVID-19 corona virus, bo por evita di sigui plama esaki y tambe di bira hopi malo y yega hospital, door di cuminsa cuida bo mes mas trempan.