EL PASO (TEXAS), Merca
Border Patrol na El Paso a comparti un video impactante con traficantenan di hende a pasa dos of mas muchanan chikito di entre 3 pa 5 aña over di e muraya fronteriso di 4 meter halto entre Mexico y Merca y a bay laganan atras de teritorio Americano.
E hefe di Border Patrol, Sra. Gloria Chavez a bisa di a keda den un shock pa mira con den un forma asina imprudente e criaturanan a wordo pasa over di e muraya fronteriso. E criaturanan a wordo laga atras den un area hopi bandona, leu for di e mundo habita. Si nan no a wordo mira y rescata pa Border Patrol, e muchanan aki sigur no lo a sobrevivi.
E traficantenan di personanan, cu localmente ta wordo yama ‘coyotes’, ta cobra 6 mil dollar pa cabes, pa cada persona cu nan yuda crusa frontera. Estados Unidos ta keda avisa e migrantenan pa no trata na crusa frontera, paso nan lo wordo debolbi, pero pa muchanan cu no ta acompaña pa un adulto, pa motibonan nan humanitario no ta wordo debolbi.