Home » Minister Xiomara Maduro a haci entrega di Presupuesto 2021 na Parlamento di Aruba

Minister Xiomara Maduro a haci entrega di Presupuesto 2021 na Parlamento di Aruba

by Admin
0 comment 63 views

ORANJESTAD – Diaranson Minister Maduro a haci entrega di Presupuesto 2021 na Presidente di Parlamento den presencia di Griffier di Parlamento y Secretaris di Conseho di Minister.

E biaha aki e Presupuesto di Pais Aruba a wordo entrega den formato digital por medio di un USB stick diseña specialmente pa e ocasion importante aki. Hunto cu e ley di presupuesto, Parlamento a ricibi tur conseho cu ta regarda e ley y tambe un documentacion cu ta visualisa e contenido di e presupuesto. Esaki ta pa yuda facilita e Parlamentarionan cu e trabou presupuestario, na unda cu nan por haya un bista di biaha di e resultado di e presupuesto, e gastonan y entrada di Gobierno.

Minister Xiomara Maduro ta spera cu no obstante e situacion cu a surgi, cu Parlamento lo por trata e ley importante aki prome cu e eleccion venidero. E mandatario ta gradici Departamento di Finansas pa tur trabou y esfuerso haci pa cu Presupuesto 2021, specialmente pa e formato digital y e visualisacion cu ta yuda e proceso presupuestario di nos Pais.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio