Ya ta pa 21 aña caba cu Fundacion Telefon pa Hubentud Aruba ta ofreciendo su servicionan di scucha, sostene y guia nos mucha y hobennan tur dia entre 2:00 y 6:00 di atardi via telefon, email, chat, website, lectura y proyecto.
E trabao di Fundacion Telefon pa Hubentud Aruba ta wordo realisa den gran parti door di mentornan cu voluntariamente ta inverti tempo y energia den Fundacion Telefon pa Hubentud
Aruba. Tur aña Fundacion Telefon pa Hubentud Aruba ta busca mentornan nobo pa yuda nos duna servicio na nos muchanan y hobenan. Door di e Pandemia di COVID-19 aña pasa, Fundacion Telefon pa Hubentud Aruba no por a sigui cu e training cu tawata planea aña pasa.
Cuminsando e siman aki Fundacion Telefon pa Hubentud Aruba ta habri espacio pa esnan interesa pa haci un trabou voluntario por join nos team.
Nos ta buscando personanan desde 16 aña cu por domina tur cuater idioma es ta: Papiamento, Spaño, Ingles y Hulandes. Mester ta un persona disponibel y cu entusiasmo.
Fundacion Telefon pa Hubentud Aruba ta ofrece training den diferente topico, minimo dos biaha pa aña ampliacion di experticio y un ambiente placentero di aprendizahe.
E tareanan cu e voluntario lo haci ta:
– Lo mester duna via telefon ayudo, informacion y conseho na muchanan y
hobennan minimo 2 ora pa siman;
– Lo mester duna via internet (chat, mail etc.) ayudo, informacion y conseho na
muchanan y hobennan minimo 2 ora pa siman;
– Y / of duna charla y tayer na scolnan;
– Y / of duna informacion na publico na stand di Fundacion Telefon pa Hubentud Aruba
durante actividadnan.
Bo ta pensa cu bo ta nos siguiente voluntario? Scan e QR-code aki bao.
Pa mas informacion tocante e trabao voluntario por tuma contacto tambe cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: [email protected] of telefon 5886138/ 5884011.