Home » Concierge di school condena pa a mishi cu 4 studiante menor di edad.

Concierge di school condena pa a mishi cu 4 studiante menor di edad.

by Admin
0 comment 133 views

 

ORANJESTAD –  Awe mainta Corte di Husticia, via video conference a dicta sentencia den e caso penal contra e homber Octavio Woodley.

Aruba Native por a compronde cu Hues a haya Woodley culpable di tur e acusacionnan y ta haya cu mester prohibi Woodley pa traha na schoolnan caminda tin mucha chikito. Hues a confirma e exigencia di Fiscal cu ta 10 luna di prison di cual 5 luna ta condicional y bou guia di Reclasering. Tambe cu pa 3 aña Woodley no ta permiti na traha na ningun school caminda tin muchanan chikito.

Algun siman pasa tratamento di e caso penal a tuma lugar caminda Fiscal a acusa Woodley cu entre 1 Januari 2018 y 30 Februari 2020, a haci actonan inmoral cu 4 mucha. A purba haci acto inmoral cu un otro mucha. Tambe cu den e periodo ey Woodley a maltrata un mucha homber.

Hues a mustra cu den declara di e 4 studiantenan di Pieter Boer School, caminda Woodley tabata traha como concierge. Tambe tin declaracion tin un otro mucha. Nan edad ta varia entre 14 y 15 aña. Nan ta bisa cu Woodley, den e periodo menciona a mishi cu nan na nan nek, pia y rudia. Hues a bisa cu Woodley a bisa cu no ta acto inmoral sino massage. Tambe el a admiti di a hala orea y dal na cara, kinipi y dal e mucha na su man. Esey segun Woodley tabata un acto di coreccion pa loke e mucha a haci.

Hues a bisa cu e ta mira otro. E muchanan a declara cu Woodley a mishi cu nan y cu a haci observacionnan sexual cu nan manera mi kier tin relacion sexual y kier chupa nan. Un di e muchanan a graba Woodley ora e tabata bis’e :”I will squeeze  all the jelly out of you”. Hues a mustra cu Woodley a bisa cu ta berdad y cu esey tabata di haci cu un masturbacion.

Hues ta haya tur prueba legalmente proba. Ta actonan castigabel serio. Ta trata di estudiantenan di school y nan mester sinti nan mes sigur na school. Door di actonan di Woodley, nan no a sinti sigur na school. Pa cu e castigo, Hues a bisa cu e ta tene cuenta cu e carchi di castigo di Woodley cu ta mustra cu anterior el a wordo condena pa un caso igual. Hues ta haya cu Woodley mester cay bou guia di Reclasering. El a bisa cu Fiscal a pidi pa prohibi Woodley traha na schoolnan di mucha chikito. Teniendo cuenta cu esaki ta di 2 biaha den un periodo di 10 aña, Hues ta confirma e exigencia di Fiscal

Hues a condena Woodley na 10 luna di prison di cual 5 luna ta condicional cu un tempo di prueba di 2 aña, bou guia di Reclasering. Hues a prohibi Woodley pa traha na schoolnan caminda tin muchanan chikito pa un periodo di 3 aña.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio