Home International Acto heroico: Di hobennan cu a forma un cadena humano pa rescata...

Acto heroico: Di hobennan cu a forma un cadena humano pa rescata un pareha cu nan baby for di un candela feros

SHARE

Nantes, Francia:

Diadomingo pasa un apartamento na e cuidad Nantes a pega candela, vlamnan y huma tabata sali for di e bentanan di e apartamento. Algun hoben cu tabata cerca sin pensa dos bes a forma un cadena humano pa asina a rescata e mayornan y e baby. Mientras tanto nan a wordo declara heroenan nobo di Francia.

E bisiñanan tabata mira con e candela hopi lihe tabata sigui expande, e pareha tabata para hunto cu nan baby riba un balcon riba e di tres piso y tabata grita pa ayudo. Hopi lihe a sali na cla cu e team di rescate no tabata yegando na ora.

No a dura mucho cu algun hoben cu tabata ey banda tuma desicion di uni forza y yuda e pareha cu nan baby.
nan a dicidi di subi na halto y asina formando un sorto di trapi cu nan curpa, caminda e pareha por a baha di for di e balcon y asina keda rescata for di e apartamento cu tabata na candela y cu vlamnan feros.

Esnan presente a pone un matras pa asina e mayornan por a tira e mucha riba e matras, e criatura di 6 luna a sali ileso. E mama cu tata a keda levemente herida.

Un di e heroe nan di e bario di La Bottière a sali bisa: “Nos ta un famia, nos a demostra di ta soldario y hunto nos a yuda. Hopi lihe e victimanan di e candela a wordo yuda.