Home » Tata cu a abusa di su yiu muhe di 2 aña: “Mi no ta compronde pakiko hende ta mira pa un Monster”

Tata cu a abusa di su yiu muhe di 2 aña: “Mi no ta compronde pakiko hende ta mira pa un Monster”

by Admin
0 comment 122 views

“Kiko pasa un hende cu ta abusa sexualmente di su propio yiu muhe di 2 aña?” Esaki tabata e pregunta cardinal durante proceso contra e tata di 38 aña cu a abusa di su yiu muhe (2). E tata: “Ta duel mi, pero mi no ta compronde dicon nan ta pinta mi manera un monster”

Nieuwegein, Hulanda:

E relacion cu mama di su yiu a caba, ela perde su cas, esaki a dune hopi stress. E tabata tin problema na trabou y tabata huma hopi wiet. Asina tur cos a cuminsa, e la bay biba den cas di su mayornan. Riba un dia den November 2014, den un camber riba zolder di e cas, e homber tabata riba webcam di sex, mastrubando su mes, net na momento cu su yiu muhe di apenas dos aña a habri e porta. Enbes di stop, e homber a escohe pa pidi su yiu pa yud’e,den su actonan sexual, e criatura inocentemente mester a haci sexo oral cu su propio tata.

Locual e tata a lubida tabata cu e webcam tabata cendi y cu esnan na e otro banda a filma tur cos cu tabata pasando den e camber riba e zolder.

Despues di algun aña e filmacion aki a aparece durante un investigacion dirgi pa husticia na Belgica. For di e investigacion aki a sali na cla cu e homber tabata un homber hulandes cu ta biba na Nieuwegein. Na september 2020 e la wordo deteni.

E TATA:

” Mi tin hopi berguensa , mi no tabata sa kiko a pasami e dia ey.”

Ministerio Publico a exigi un castigo di 30 luna di castigo di prison, di cual 10 luna ta condicional. E castigo aki, segun Ministerio Publico ta pasobra ta un biaha so e lo a comete e eror.

Pero di otro banda fiscal a laga sa cu e tin indicacion y sospechonan fuerte cu no ta un biaha so e homber a haci actonan inmoral cu su yiu muhe, pero e problema ta, cu no tin pruebanan palpabel, cu e la sosode mas biaha.

E fiscal a basa su mes riba e combersacionnan den e chatnan confisca, den cual e tata tabata papia cu supuestamente dos dama hoben. E dos damanan aki no tabata existi, ta un homber di Belgica tabata haci mane e ta e dos muhenan aki. E homber aki a wordo deteni y aki ta caminda autoridad den materialnan confisca a bin topa varios chat di e homber cu e supuesto dos muhenan aki.

Den e chatnan aki regularmente e criatura di 2 aña tabata aparece, esaki ta locual husticia por a saca afo di e textonan di e chatnan. Den e combersacionnan por a saca afo con e tabata conta extensamente ora e bay baña cu su yiu muhe y kiko tur e tabata haci cu su yiu.

Yorando e tata a bisa: “Tur cos tabata provoca y inventa”. “Echt, esaki a pasa un biaha so, nan a provocami den e chatnan, mi no kier a involucra mi yiu den esaki, pero nan a keda insisti.” Tambe den corte e la bisa” Cu OM ta haci manera mi ta un monster, esaki ta hacimi hopi dolor, asina aki mi no ta reconoce mi mes y  ni esnan rond di mi. Esaki no ta cuadra cu e berdad pasobra na 2014 caba, e tata a yega di haci algo inmoral. Esaki a sosode den hal di un flat, dos bisiña a mira con e tabata haciendo actonan sexual cu su mes den e hal.

E tata a sigui bisa ” mi sa cu mi tin un problema, pero e no ta asina erg manera e ta wordo pinta. Antes mi no tabata mira cu mi mester un tratamento, pero actualmente mas y mas mi ta mira cu mi mester di dje. Mi kier bira un miho persona, pero uno mas miho cu ta posibel.”

Door di falta di prueba cu mas biaha di actonan inmoral entre tata cu su yiu a pasa, fiscal a laga su exigencia na un biaha, cu e lo a sosode.

Fiscal bon cla a demostra cu e tin duda cu ta un biaha so e la haci actonan inmoral cu su yiu. Fiscal a puntr’e den corte ” Pakiko bo a nenga di habri e telefonnan y laptopnan pa nos por a mira den nan?” Segun e tata e no ta corda e passwordnan mas. Fiscal: ” un telefon awendia cu bo dede mes, bo ta habri’e y asina mes bo a nenga.”  E tata a contesta:”Mira den dje si bo kier, pero mi tin hopi berguensa” mi tabata hopi down.”

For di raportnan di expertonan riba e tereno di comportacion, a sali na cla cu e tata hopi lihe ta bagatalisa tur cos, esaki por a nota tambe durante  e tratamento den corte. E tabata bisa cu e ta soña di tin un futuro nobo, den cual e por bira un bon tata pa su yiu muhe.  Ora e la scucha cu su ex pareha a entrega keho contra dje, pa motibo cu despues cu nan a separa, e tabata keda yama su ex y tabata keda keha den su horea, segun obviamente na momento cu e homber lo tabata masturba, e homber a nenga esaki categoricamente.

E cicatriz ta pa resto di su bida

Su ex, mama di su yiu muhe, a pidi un compensacion di 5mil Euro den nomber di su yiu muhe. Segun e abogado di e mama. ” E caso aki ta uno cu ta laga bo babuca”, “e criatura mester por a confia su tata” , pero e tata a pone e confiansa aki un banda, pa na un forma hopi grocero , satisfase su propio necesidad. E cicatriz cu e tata a laga atras riba e mucha lo keda marca pa resto di su bida.

Otro siman corte lo dicta sentencia contra e homber.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio