Home » Prome Minister Evelyn Wever-Croes: GABINETE WEVER-CROES TA ENTREGA RETIRO

Prome Minister Evelyn Wever-Croes: GABINETE WEVER-CROES TA ENTREGA RETIRO

by Admin
0 comment 94 views

 

 

Awe Ministerio Publico a emiti un publicacion pa prensa den cual ta menciona cu tin un investigacion contra Fraccion di POR, sospechoso den un investigacion na malversacion di fondo. Integridad y bon gobernacion ta un punto importante den e acuerdo di gobernacion di Gabinete Wever-Croes y un violacion di e indole aki, ta wordo considera sumamente serio. 

 

Despues di e anuncio aki, Gobierno a consulta riba kico ta e miho reaccion riba e violacion di integridad serio door di miembro di coalicion. E analisis di e seriedad di e acusacion y e consecuencianan di esaki, tabata tin un peso di tal importancia cu Gobierno a yega na e conclusion cu mester saca e conclusion politico mas serio, di entrega retiro di Gobierno y di dissolve Parlamento.

 

A base di esaki Conseho di Minister a apodera Minister President pa entrega na Gobernador di Aruba e retiro di Minister President y tur minister, y e decision pa disolve Parlamento.

 

Como Gobierno demisionario Gabinete Wever-Croes 1 lo atende solamente cu asuntonan coriente te ora un Gobierno nobo wordo forma. Maneho di Corona crisis ta wordo considera asuntonan coriente.

 

Un fecha nobo pa eleccion lo wordo anuncia pronto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio