Nos di Fundashon Nos Kier Boneiru Bek ta honra ku despues di dies (10) anja agotador, desde 10-10-10, e islanan di Korsou, Aruba I Sint Maarten (islanan CAS), a jega na e puntu pa tuma un posishon publiko internashonal desisivo I djoin nos kontra e agenda di rekolonisashon di gobierno Hulandes. Pa nos esaki ta jega komo un notisia I momento refreskante i reforsando nos kontinou partisipashon I posishon solitario den e traketoria aki. Nos a bin ta konsistente I perisistente ta papia, pa konsientisashon I para e violashonan grave di Hulanda di e Karta magna di nashonan uni, artikulo 73 I tratadonan, resolushonan, derechonan demokratiko, outodeterminashon, propio gobernashon I derechonan humano di dekolonisashon. Nos lo no ta so mas den e lucha aki.
Algun puntu kulminante di nos trajektoria: Riba 10 oktober 2010, James Finies a skiribi un obheshon I keho ofisial na gobierno lokal I Hulandes I tambe pa Korte Internashonal di Hustisia di Nashonan Uni kehando ku Hulanda su akshonan tabata kompletamente kontra di e spiritu I resolushonan di NU I spesifikamente den violashon ku kapitulo XI di Charter di NU, Deklarashon Regardando Teritorionan-Sin-Propio-Gobernashon , I ku nos no ta mara na e status ilegal aki- I ku e lo hasi tur kos den su poder…ku e nos derecho di outodeterminashon I propio gobernashon…lo keda garantiza. Na maart 2012 James Finies, NKBB a manda un karta di keho ofisial pa Konseho di Derechonan Humano di NU na Geneva, kehando di grave violashonan di Hulanda. E karta tabata konserni e derecho di outodeterminashon I en partikular resolushonan 1514, 1541 I 2625. Desde entonces nos a risibi un kontesta ofisial di OHCHR kaminda basa riba nos keho a inisia ku un proseso ofisial, kuestionando gobierno di Hulanda. Riba 6 september 2013, James Finies, NKBB a manda un karta ofisial na konseho insular di Bonaire ku e petishon pa pone Boneiru bek riba e lista di teritorionan-Sin-propio-Gobernashon di nashonan uni. Riba 25 Februari 2014 konseho insular di Bonaire a disidi unaninamente pa por pone Bonaire bek riba lista di teritorionan-sin-propio-gobernashon di NU I riba 9 maart 2014, e gobiernu di Bonaire a manda un karta ofisial pa gobiernu Hulandes pa Minister Plasterk ku e petishon pa pone Bonaire bek riba lista di NU. Riba 22 juni 2016, sinku anja pasa, James Finies, NKBB a hasi un presentashon historiko I publikamente a dirigi su mes na e Komite Spesial di Dekolonisashon C24 na Nashonan Uni na New York I a denunsia e violashon di Hulanda di e derecho di outodeterminashon di e pueblo di Bonaire.E evento aki a wordu televisa-bibu mundialmente pa NU. Nos a kontinua reuni ku gobiernonan, ambasadornan di NU,etc, I na final di 2020 nos a kompleta un investigashon I raport rekonose pa NU di nos suficiensa di propio gobernashon.
Anja pasa ora ku gobiernu Hulandes a kuminsa pone Korsou bao di menasa kolonial, nos a defende Korsou, I a bai personalmente Korsou I a kibra bareranan na oudensia publiko grandi I tambe na tur media di Korsou, enkurashando e pueblo di Korsou pa para firma I join nos trajektoria. (wak link produkshon NKBB youtube)
Raad van State di Hulanda resientemente publikamente a ekspone e hecho ku nan a investiga I evalua e KOHO = e institushon Karibense di reforma I desaroyo, I ta di akuerdo ku e kehonan di islanan KAS. E KOHO a wordu krea I forsa riba e gobeirnonan di e islanan KAS pa medio di blackmail dor di gobeirnu Hulandes su sekretario di estado Knops kontra ayudo pa Covid. Raad van State a denunsia ku e institushon aki ta inkonsistente ku Statuut. Un struktura gobernamental, kaminda ku e Minister Hulandes I KOHO lo wordu posishona riba e gobierno nan di e islanan kreando un dominio kolonial Hulandes riba e islanan.
Na Sint Maarten, e parlamentu a tuma un posishon di konfrontashon kontra e gobierno Hulandes I a akusa nan di rekolonisashon I a disidi di keha na e raporteur spesial I grupo di trabao di e komishon pa eleminashon di deskriminashon rasial di NU. E keho aki a wordu hiba mas lew pa e bufete di abogado Choharis na Estados Unidos, ku kual nos ta den dialogo ku Choharis pa Bonaire, na prensa internashonal I a ekspone esaki den Washington Times I a logra headlines di notisia mundial. E notisia ku e bufete di abogado merikano a desmaskara neo-kolonisashon Hulandes tambe a alkansa tur islanan Antiano nan komunidat I a manda un ola di speranza nobo pa ku un otro intento pa dekolonisashon di e islanan Antiano ku a frakasa na 1954 I desde e disolushon di Antias na 10 oktober 2010, pa e lastu 10 anjanan tur e islanan Antiano tabata bao di menasa agresivo di e agenda di rekolonisashon Hulandes.
NKBB ta karga speransa I ta enkurasha tur isla Antiano for di awor pa dilanti uni nan mes na tur nos islanan su lucha komun pa e derechonan di nos pueblonan su liberat, igualdat I propio-gobernashon di akuerdo ku Charter di Nashonan Uni.