Tanki Leendert / Paramira – Diadomingo merdia den careda di 12:15 p.m polisnan a wordo avisa di un problema cu a sali completamente for di man na un adres na Paramira.
Dado momento a pidi pa polis yega cu urgencia segun nos a compronde di un habitante.
Esaki ta debi cu ta un grupo lo tawata bringando cu un homber, den e grupo tawata tin hende muhe tambe envolvi.
Ariba e caminda di Tanki Leendert prome cu yega e rotonde nobo, polis ta para un Hyundai Accent color preto cu dos persona aden. E duo aki tawata esnan envolvi den e pelea na Paramira. Mas pazuid polis a bay cerca un Nissan March cu tambe tawata envolvi.
Pues despues di e problema na Paramira e dos autonan aki a bandona e sitio, pero polis a logra paranan y efectua e detencionnan.
Loke a sosode
Na e sitio di e incidente nos a wordo informa cu e homber agredi ta doño di un cas unda cu e ta huur esaki cu algun hende( esnan cu a wordo deteni).
Diadomingo e doño a yega e cas pa hala nan atencion tocante nan comportacion, esta masha hopi bonchincha y mas cos.
Esaki lo no cay probablemente na agredo di esnan cu ta huur e luga y aki a start e problema, cu a caba na maltrato di e doño y destruccion cometi na su auto.
Por a mira un kap bou wowo di e doño cu tawata sangra basta.
Pa loke ta destruccion ma e auto, dos dama den un March lo ta responsabel pa esaki cu ta famia of amistad di esnan den e Accent color preto.
Manera nos a bisa anteriormente, despues di e problema y destruccion tur a bandona e sitio.
Polisnan a tuma tur dato di loke a pasa y tambe a splica e doño e pasonan cu e mester tuma.
Takelwagen a presenta pa e bay cu a Accent color preto, pa mas investigacion relaciona cu algun iregularidad.
