E cuadra mas grandi di e pintor britanico Sacha Jafri, a wordo bendi na vindishi, na Dubai pa 62 miyon dollar, asina e organisado di e vindishi a duna di conoce.
E cuadra yama “The Journey of Humanity”, e arte aki ta consisti di 70 pida y ta 1595,76 meter cuadra, e ta equivalente na casi 4 cancha di basketball.
Segun e organisadonan di e vindishi, nan no a conta cu e cantidad di 62 miyon dollar, e ta dos biaha mas hopi di locual nan a spera di recauda. E fondo aki lo bay na instancianan caricativo cu ta yuda muchanan.
André Abdoune, un homber Frances cu ta biba na Dubai, a logra bende tur 70 pida, na un vindishi na e Resort Atlantis, The Palm. E obra aki a wordo reconoci pa Guinness World Records, y tabata den un exposicion den un sala di un hotel luhoso. E intencion anterior tabata pa bende e cuadra aki na cada pida apart.
E artista Jafri a spera na prome instante di a recauda 39 miyon Euro y e 52 miyon Euro a bin di sorpresa. E motante aki lo wordo destina pa iniciativanan di salud, sanitario y projectonan di educacion pa muchanan na e partinan mas pober di mundo. Muchanan di 140 pais, a aporta online na e cuadra mas grandi di Jafri’s, cual e la caba di pinta September ultimo.
