Maharshtra, India
Un variante dos biaha mas peligroso cu e actual variante di India a wordo detecta na e estado Maharshtra, India.
Hopi biaha e cambionan den un variante ta minimal y no ta causa mucho diferencia den su efectonan. Pero tin variantenan cu si ta causa cambionan den e virus ora di contagio. E variante nobo aki lo ta potencialmente mas contagioso y e virus por resisti vacuna.
Vacunanan cu ta wordo traha contra Coronavirus, ta vacunanan cu ta pa proteha nos, stimulando nos curpa pa traha anticuerpo. E miho opcion pa proteha nos ta e “anticuerpo neutraal” paso nan ta block e virus pa e no drenta den celnan di nos curpa.
Ora un famia di cinco haya vacuna y un miembro di e famia aki, no a tuma e vacuna, e ta haya algo cu ta yama “inmunidad colectivo” pues e ta den becindario di hende nan cu si ta proteha. E persona ey tin menos chens di bira malo of infecta hende den su mesun cas.
E variante nobo aki di India, tin un posibilidad di bira hopi mas contagioso. Esaki kiermen cu e lo por contagia un hende cu ya caba a recupera di covid-19. Mas pio ta, cu esaki kiermen cu ta posibel pa e virus penetra den e inmunidad colectivo, haciendo e un persona di e famia aki, cu no a tuma e vacuna, toch malo.
Esaki ta haci cu tur persona cu tin un systema inmunologico hopi abou, y pa cu e motibo aki no por tuma e vacuna of hendenan cu no ta sinti nan mes comodo pa vacuna, hopi vulnerabel pa e variante nobo aki.
Dr Jeremy Kamil, un viroloog, ta contradici, segun su persona cu e variante nobo di India no ta parce mas peligroso of mas contagioso, pero nan lo mester hasi mas test pa ta sigur. Loke si, e la pone mas enfasis riba dje ta ” cu nos mester ta mas cauteloso di e variante di Inglatera. E variante aki si ya caba a wordo descubri na mas di 50 pais y mas sigur lo por causa un siguiente ola hopi serio.
Solamente 230 caso di e variante nobo, yama dobbel variante, a wordo descubri na India. Dr. Kamil no ta kere cu e ‘dobbel variante’ aki, lo por causa un siguiente ola di contagio.
Dr. Kamil ta bisa cu “Sinembargo, mas tanto e ta bay pa e comportacion di e ser humano, cu lo si ta causa un ola mas di Covid-19.”
