Willemstad, Corsou:
Diaranson, den oranan di mainta, e centro di Rescate y coordinacion(RCC) di Warda Costa, a senjala un contacto sospechoso riba nan radar, e boto aki tabata bayendo direcion di Corsou.
Mesora RCC, a dirigi e cutter Jaguar direcion di localidad di e boto y tambe mesora a pidi cooperacion di Kuerpo Polisial di Korsou, mirando cu e boto sospechoso tabata hopi cerca di costa di Corsou. Na yegada di polis na e localidad, nan a bin topa den mondi cu diferente bala cu droga den nan.
E Cutter Jaguar a sigui e boto aki riba lama y a logra intercepta e boto, cu tres persona abordo, nan tabata bayendo direccion zuid. Guarda Costa a detenenan, tabata trata di tres homber, dos di nacionalidad Colombiano y un di nacionalidad Venezolano.
Guarda Cost a entreganan den man di KPC. Den e 4 balanan aki autoridad na Korsou a logra intercepta 217 kilo di marihuana, esaki hunto cu un rugtas a keda confisca pa mas investigaicon.
Un bon trabou y bon cooperacion entre Guarda Costa y Kuerpo Policial di Korsou.
