Home » Parlamentario Edgard Vrolijk (MEP): Te awo despues di casi 1 aña profesornan di AVP mag skirbi di constitucion y e leynan di consenso di Reino

Parlamentario Edgard Vrolijk (MEP): Te awo despues di casi 1 aña profesornan di AVP mag skirbi di constitucion y e leynan di consenso di Reino

by Admin
0 comment 91 views

Nos por a tuma nota cu diripiente e profesornan sabelotodo di AVP mag di skirbi. Ta bay haci un aña cu niun hende a wak nan skirbi riba e topico di e dos leynan di consenso di Reino y awo diripiente cu e conseho di Raad van State a sali, diripiente a cuminsa skirbi manera cu nan ta interesa den pais Aruba. Na momento cu mas Aruba como pais den e impasse cu Hulanda a spera cu e profesornan sabelotodo aki lo a sali dilanti y vocifera nan opinion huridico y duna conseho na gobierno di Aruba como un bon ciudadano di pais Aruba y cu ta stima e baranca aki, a opta pa keda keto.

Aruba mester a busca conseho di Hulandesnan pa yuda den e lucha
Pa straño cu e por zona pero den e lucha pa demostra cu e leynan di consenso aki tabata trapa nos derechonan como pais autonomo den Reino, nos como pais ta gradici entre otro professor Hoogers pa su ayudo, unda cu su persona a brinda Aruba su conseho riba e dos leynan di consenso y cu awe tur locual ela duna nos como conseho a resulta di ta berdad y ta ser confirma pa e conseho di Raad van State. Y lamentablemente den e proceso aki unda Aruba como pais mas tabatin mester di su mesun hendenan, esaki nan a opta pa keda keto ta loer. Y sigur den e proceso awo despues di e conseho di Raad van State nos lo sigui haci uso di conseho di entre otro di Profesor Hoogers pa nos por logra un producto final unda ta respeta nos autonomia pero cu nos por ta sigur cu nos por logra recupera como pais y sigura mehora nos relacion cu Hulanda.

AVP y su profesornan ta bon amigo di CDA y Knops
E ta mas cu logico cu como cu CDA ta partido ruman di AVP, e profesornan di AVP aki hamas no por bay contra sr Knops pa motibo di nan bon relacion y sigur nan tabata conta cu Knops y CDA lo a yudanan un biaha mas pa yega na poder, pero cos a bolter pa motibo di e mala fe tras di nan actonan contra nos pais. Y pronto nos lo wak tambe pakico un di e profesornan aki no por a skirbi nada pa motibo cu e profesor aki lo ta riba lista di AVP e eleccion venidero. Y ta tristo cu hendenan prepara y cu capacidad di sirbi nan pais na momento cu nan afilia cu AVP nan ta perde nan ideal pero mas pio ainda nan ta perde nan derecho di duna nan propio opinion y sirbi nan pais Aruba. E ta di lamenta si y ta e muestra cu e hendenan aki ta sirbi nan interes y nan partido y ta un grupo di traidor cu semper a sa di traiciona e pueblo di Aruba y sirbi interes di Hulanda riba esun di nan pueblo. Y bo ta wak cu te dia di awe cu nan no ta stima nan pais Aruba unda cu tur aña ta organisa algo pa trata na kibra e celebracion di Himno y Bandera. E unico cos cu nan gusta di e pueblo aki ta e pueblo su finansas pa nan probecho personal y di nan amigonan.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio