Home » Minister Dangui Oduber: Nos Turismo ta recuperando

Minister Dangui Oduber: Nos Turismo ta recuperando

by Admin
0 comment 64 views

Minister di Turismo Salubridad Publico y Deporte Sr. Dangui Oduber a habri siman cu 2 noticia sumamente positivo pa nos recuperacion di nos turismo. Aruba ta conoce un aumento drastico den su ingreso di turista y na juni Aruba lo habri frontera un biaha mas pa nos turistanan crusero.

E siman aki Aruba ta spera 14.527 pasahero, esaki ta un aumento di 32% den comparacion cu siman pasa. Diasabra awor lo ta e dia di mas druk cu 4100 pasahero. Hopi importante ta cu e “load factors” nan ta 64% esaki ta mas halto cu lo conoce den e ultimo 12 lunanan.

Minister Dangui Oduber ta señala cu e aumento aki ta debi na e vacunacion masal cu ta tumando lugar na Estados Unidos. Ya caba nan a vacuna mas di 127 miyon hende di cual mas di 18 miyon ta di Florida,New York y Massachusetts cu ta nos mercadonan di mas grandi. CDC ta premira cu Estados Unidos lo yega na nan Herd immunity rond di e luna di mei di e aña aki.

Esaki ta haci cu biaheronan ta sinti nan mes mas sigur y confortabel pa biaha atrobe. Biaheronan ta hopi skeptico na momento di escohe nan destinacion, seguridad ta un prioridad y Aruba ta ofrece esaki sigur. Gobierno di Aruba a traha duro y lo sigui traha duro pa recupera nos turismo y economia bek. Aruba a demostra di tin un di e mihor protocolnan pa biaheronan, nos a haci uso di innovacion y technologia pa awe por mantene nos fronteranan habri.

Ban sigui cuida, ban sigui vacuna pa nos por prospera.
Recuperando nos turismo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio