Home » CRISIS TEAM: 17 CASO MAS DI E VARIANTE DI REINO UNI, 2 DI BRAZIL Y 5 DI CALIFORNIA A KEDA IDENTIFICA NA ARUBA.

CRISIS TEAM: 17 CASO MAS DI E VARIANTE DI REINO UNI, 2 DI BRAZIL Y 5 DI CALIFORNIA A KEDA IDENTIFICA NA ARUBA.

by Admin
0 comment 61 views

Oranjestad; 23 di Maart 2021 – Manera ta conoci laboratorio di hospital ta manda tur siman un cierto cantidad di testnan positivo di Covid-19 Hulanda pa wordo analisa. Di lotenan cu a wordo manda e total di variantenan di precupacion (VOC) identifica te awor ta; 114 caso di Reino Uni, 2 di Sur Africa y 3 di Brazil. Pa loke ta total di e variantenan di interes (VOI) e cantidad di Mexico ta 8 y di California a bira 8.

Un mensahe ta bay na henter nos comunidad pa limita salimento no nesesario, sea extra cauteloso y sigi cumpli firmemente cu tur medida y reglanan di distanciamente social, uzo di Tapa boca y laba man frecuentemente y haci uzo di oportunidad pa registra pa vacuna. Corda bon cu no ta permiti actividad social na cas. E variantenan aki ta mas agresivo y contagioso y por causa problemanan serio di salud y compromete e capacidad di cuido na nos Hospital. Na momento cu bo sinti sintoma, isola bo mes y yama bo doctor di cas pa bo bay haci test. No keda move rond wardando resultado, keda cas y evita di sigui plama e virus. Solamente uni cu diciplina y solidaridad, nos lo reduci e plamamento di e virus y sigui move den direccion di Aruba su recuperacion y progreso.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio