Caya Tumba:
Despues di e dos atraconan, riba Welldone Snacktruck na Tanki Flip y Ruiz Take Away na Tanki Leendert, varios unidad di polis a mobilisa y tabata coriendo rond buscando un Nissan March den cual probablemente e atracadonan lo tabata. Durante Toque de queda, algo despues di mey anochi, polis cu ya caba tabata tin un pista di ken e atracadonan aki por ta, a cuminsa circula den area di e casnan di e hobennan sospechoso aki.
No a dura mucho cu enberdad, algo despues di mey anochi den Caya Tumba, un patruya di polis a bin topa cu un Nissan March preto, mesora e la wordo para, den e auto enberdad nan a bin topa dos di e tres sospechosonan di atraco.
E hoben Chines y un otro.
E agentenan na e sitio mesora a pidi refuerso di nan coleganan pa yudanan rista nan y tambe a busca den e auto. Aki ta caminda nan a bin haya tur e evidencianan cu nan tabata tin mester pa a detene e dos sospechosonan aki. Mas sigur e otro sospechoso hopi lihe lo wordo busca of lo mester entrega su mes, paso autoridad sa caba ken e ta.
Ambos sospechoso a wordo hiba di biaha pa warda di polis, caminda nan lo mester presenta dilanti sub fiscal y mas sigur por lo pronto nan lo keda tras di tralie.
