Home Police Accidente cu herido dilanti Palm Beach Plaza, auto a dal tras di...

Accidente cu herido dilanti Palm Beach Plaza, auto a dal tras di otro

SHARE

Palm Beach: Diamars algo despues di 1’or di merdia a sosode un accidente na altura di Palm Beach Plaza. Mesora a pidi pa presencia di polis.

Na yegada enberdad nan a bin topa cu un dama kende tabata herida. Tambe nan a bin compronde cu chauffeur di un auto no a controla su velocidad na tempo y a dal tras di un MG oranje.

E dama herida tabata kehando di hopi dolor, mesora a pidi pa presencia di ambulance. Na yegada di ambulance, e paramediconan di ambulance a trata e victima na e sitio y despues a transport’e pa hospital.

Ambos auto no a haya hopi danjo material y no tabata tin mester di takelwagen.