Home » Parlamentario Edgard Vrolijk (MEP): Aruba ta Mike Eman su cas ora tin beneficio

Parlamentario Edgard Vrolijk (MEP): Aruba ta Mike Eman su cas ora tin beneficio

by Admin
0 comment 102 views

Nos por a tuma nota cu  Mike Eman a sali un rato for di su Mega Penthouse pa riba di di Himno y Aruba demostra un biaha mas su desprecio na e dia nacional aki. Y nos por a tuma nota cu enbes di celebra e dia aki como e dia cu e ta, a haci esaki uno di color politico y tambe division di un pueblo cu mas cu nunca mester di union. Y sigur locual a lanta mas pregunta ta e slogan di campaña di Mike Eman ‘Aruba ta mi cas’: ta ki ora enberdad Aruba ta partido AVP y Mike nan cas?

 

Sr Mike Eman a desprecia su pais Aruba door di no drenta Parlamento

Un biaha mas nos ta na caminda pa eleccion di parlamento 24 september 2021. Aki pueblo lo bay urna pa escoge nan representantenan den parlamento un biaha mas manera tabata e caso na 2017. Y lamentablemente  Mike Eman a desprecia e votonan di su sostenedornan y a laganan un banda y a duna muestra di desprecio na e pueblo di Aruba paso Mike Eman solamente ta interesa di ta Promer Minister di Aruba unda manera un adicto na placa cu e ta e por sigui masacra finansas di Aruba y sigur unda e su grupo lo sigui fiesta na grandi y biaha rond di mundo riba custia di e pueblo di Aruba. Pues abo cu a sostene Mike Eman na 2017 y cu a menosprecia bo voto y no tabata interesa mes den representa bo voto den parlamento, lo bolbe comete e mesun eror di duna Mike Eman y AVP bo sosten un biaha mas?

 

Sr Mike Eman y AVP a wak placa

Ta remarcabel con desespera Mike Eman y AVP ta pa yega na poder. Diripiente Mike Eman a sali di su Mega Penthouse y AVP pa medio di nan satelitenan a cuminsa un politica di purba atacha imagen di su oponentenan ta muestra di debilidad y desesperacion. Pero ora analisa bon ta e ansha pa yega na placa ta e factor mas importante pa motibo cu a wak con e gobierno lidera pa Evelyn Wever-Croes a haci un tremendo trabao unda cu por wak cu turismo ta recuperando, proyecto di LNG gas ta hopi avansa, proyecto di refinaderia, proyecto di plantacion di Cannabis Medicinal y mas proyectonan riba area di agricultura y pesca. Mike Eman y AVP a wak e movecion di placa cu esaki lo trece cune y unda su persona, su partido y sponsernan un biaha mas tin e oportunidad di explota Aruba pa despues laga e pueblo di Aruba mal para financieramente manera cu Covid-19 a demostra nos cu e maneho di Mike Eman pa finansas di Aruba tabata uno devastador

 

E gobierno aki si di berdad a para pa e pueblo di Aruba. Unda cu na momento cu a haya Aruba na 2017 den su promer crisis financiero laga atras pa e cobarde di Mike Eman, a sa di stabilisa esaki den dos aña. Na momento cu Covid a dal pueblo e gobierno aki a hay’e ta tuma pasonan impopular pero cu danki na esakinan Aruba ta den recuperacion. Y sigur danki na e decisionan di Gabinete Evelyn Wever-Croes unda a yuda mas cu 4000 hende cu Fase, mas cu 22000 hende cu loonsubsidie, mas cu 30000 hende cu sosten social y empresanan chikito y mediano cu Aruba no a kibra na werki. Mas tristo ta cu awe esnan cu T-shirt cu Aruba ta mi cas, ta net esnan cu nunca a importa cu Aruba unda cu Mike Eman a rechasa e confiansa di su sostenedornan pa bay parlamento y esnan den parlamento a vota contra e ayudo na pueblo den presupuesto 2020 y no ta spera miho tampoco pa 2021 paso pa nan e unico cos importante ta bo cartera pa nan por satisface nan adiccion na placa y poder.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio