Home » Na Brazil e cantidad di contagio y morto di Corona virus ta sigui crece, di otro banda e Presidente di e pais a bay corte pa kita e lockdown

Na Brazil e cantidad di contagio y morto di Corona virus ta sigui crece, di otro banda e Presidente di e pais a bay corte pa kita e lockdown

by Admin
0 comment 76 views

Brasilia, Brazil:
E presidente di Brazil ta contra tur medida cu ta wordo implementa pa controla y combati Covid-19. E presidente Jair Bolsonaro, a bay te hasta corte supremo pa trata na stop tur e medidanan di Covid-19. E medidanan aki a wordo implementa na diferente estadonan federal, pa trata asina na baha e contagio y e cifra halto di fayecimento.
Dia 18 di maart 2021, na Brazil a registra e cantidad di mas halto di contagio desde e comienso di e pandemia.

E gobierno di Bolsonaro a pidi Corte Supremo trek in tur e decretonan di e Districto Federal den cual e capital Brasilia ta situa, tambe Bahia Y Rio Grande do Sul.
Segun e gobierno di Bolsonaro, e gobernadornan di e estadonan aki no tin suficiente autoridad pa ehecuta e decretonan aki. Asina e portal di noticia G1 a informa.

Bolsonaro na varios ocasion a batagalisa y a resiste fuertemente contra tur e medidanan cu ta pa frena e contagio di Covid-19. Diaranson ultimo e presidente den un discurso a bisa cu e ta contento cu su siguidonan ta demostra contra tur e medidanan, encuanto di mantene distancia social.
Algun siman pasa e la pidi e pueblo di Brazil pa stop di zeur. “Cuanto tempo mas boso ta keda jora? Cuanto tempo mas boso ta keda cas y cera tur cos?” Segun e presidente, niun hende no por contra dje, ” Un biaha mas nos ta lamenta e mortonan, pero nos mester di un solucion.”

E situacion di Covid-19, na un pais di 212 miyon habitante ta hopi serio. Diahuebs ultimo un biaha mas a keda registra 86.982 persona cu Covid-19 y tambe riba e dia aki a fayece 2724 persona di e virus.

Esaki ta un di e dianan di cual mas hende a fayece di Covid-19, desde comienso di e virus. Diamars tabata e dia record den 24 ora a fayece 2800 persona di Covid-19, cual ta un cantidad record den 24 ora.
Diaranson ultimo autoridad local di Brazil a informa, un cantidad record di contagio, mas cu 90 mil persona contagia cu e virus.

Na Brazil un total di 11,7 miyon persona a wordo contagia y 287 mil persona a fayece di Covid-19. E cantidad di contagio y di morto na Brazil ta despues di Merca, esun mas halto di mundo.

E cuido medico den mayoria di estado no por cu e cantidad di persona malo. Segun e fundacion di salud di Brazil Fiocruz e cuido medico ta den crash, esaki pa motibo di e historia di e infrastructura medico na e pais.

Diahuebs ultimo a keda publica cu Fuerza Aereo Aleman lo sali pronto pa Brazil cu 80 machine di respiracion, pa asisti e pais den e tratamento di e pashentnan cu Covid. Na Brazil actualmente di tur e persona contagia cu Covid-19, tin 8300 persona cu nan situacion ta hopi critico, nan ta interna den hospital. Mas o menos 1.1 miyon persona ta contagia, pero nan situacion no ta critico. Brazil ta conta cu mas o menos 66 mil Intensivecare- units, parti entre cuido medico publico y instancianan medico particular.

E pais a cuminsa memey di Januari cu un campanja pa vacunacion, Esaki a cana hopi poco poco, pa falta di e dosesnan.
Segun un encuesta teni 79% di e habitantenan di e pais ta pensa cu na Brazil nan no tin e pandemia bou control.

Presidente Bolsonaro y su Gobierno ya pa hopi tempo caba ta bou di atak’e pa e forma cu nan ta tratando cu e crisis y ta no ta mira e seriedad di dje.

E neuroscientifico na Duke University, Nicolelis a splica poniendo enfasis: “cu na momento bo laga e virus liber pa cana su caminda y riba e ritmo aki, bo ta habriendo porta pa mas mutacionnan nobo y asina desaroya variantenan mas peligroso y mortal”.
Na e momentonan aki Brazil ta un laboratorio den aire liber caminda e virus por sigui desaroya, Esaki sigur ta concerni henter mundo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio