Home Police Despues di discusion den supermercado, un homber a los varios tiro ariba...

Despues di discusion den supermercado, un homber a los varios tiro ariba un persona

SHARE

Pos Chikito – Diadomingo anochi pa mas o menos 7’or polis a ricibi informacion cu un auto lo a pasa y los tiro, mesora esnan cu a presencia esaki a tuma contacto cu polis.

Den algun minuut diferente unidadnan policial a cuminsa yega unda e incidente a tuma luga.

E vehiculonan envolvi lo ta un Mitsubishi color cora y un Hyundai Getz color shinishi (tinted glass).

Mientras cu polisnan a bay unda e habitante a presencia e tiramento un otro informacion a drenta mesun momento cu, na un otro adres a yega un persona bisando cu nan a tira ariba dje.

Na e sitio testigo/nan a bisa polis cu e tironan lo a sali for di Mitsubishi color cora y esun cu a tira ta un persona color scur.

E problema lo a start den un supermercado den Pos Chikito, dos persona den e Mitsubishi color cora lo a busca e persona cu nan a tira ariba dje den e supermercado.

Pa e motibo aki polisnan a bay e supermercado pa asina compila mas dato posibel, manera imagennan di security cameras.

Vehiculo di e victima lo a ricibi un impacto di bala parti dilanti.

Ariba e imagennan cu nos ta presenta por mira polisnan buscando evidencia, pues si por localisa huls.

Pero te na e momento ey no a haya nada, indicando cu probablemente e shooter lo a usa un revolver.

Revolver no ta benta e huls afo.

Tur e departamentonan concerni manera BFTO y Recherche a wordo poni na altura y a presenta pa start un investigacion di e caso aki.