Home » PA TRAVEL + LEISURE GLOBAL VISION AWARDS: ARUBA A WORDO SELECTA COMO LIDER DEN SOSTENIBILIDAD PA TURISMO

PA TRAVEL + LEISURE GLOBAL VISION AWARDS: ARUBA A WORDO SELECTA COMO LIDER DEN SOSTENIBILIDAD PA TURISMO

by Admin
0 comment 63 views

 

 

ORANJESTAD – Durante luna di januari 2021 – CEO di Aruba Tourism Authority Ronella Croes a wordo entrevista door di e conocido escritor Jeff Chu cu ta entrevista y skirbi pa e famoso Travel + Leisure.

Basa na New York City, Travel + Leisure ta un revista di biahe y ta wordo publica 12 bes pa aña cu 4.8 miyon persona cu ta leza e revista mensual aki.

 

Como resultado di e entrevista, Aruba a wordo selecta pa un Travel + Leisure Global Vision Award 2021 como un di e tres destinacionnan liderando pa un turismo sostenibel. Entre e tres destinacionnan ta New Zealand (Oceania) y Faroe Islands (Dinamarca – Europa).

 

Den su articulo ‘3 Destinations Leading the Charge for Sustainable Tourism’ Chu ta cuminsa su storia cu “E destinacionnan cu ta ricibi e honor e aña aki den e Global Vision Awards ta tumando medida pa proteha nan pais y nan comunidad pa e futuro generacionnan di bishitantenan y pa nan residente.”

 

E ta enfoca con Aruba a prohibi e solo uzo di articulonan di plastic y a prohibi e importacion y uzo di e ingredientenan octinoxate y oxybenzone, cu ta wordo uza den cremanan antisolar cual cremanan ta dañino na nos medio ambiente marino. Ademas e ta nota cu nos isla ta dedica ambiciosamente na e asina yama ‘energia limpi’ unda por mira entre otro con nos aeropuerto Reina Beatrix awo su area di parkeo ta e instalacion mas grandi di panelnan solar riba nos isla. Tambe Chu ta papia con Aruba a desaroya un plan amplio pa cu un desaroyo sostenibel pa nos destinacion y con nos a identifica areanan di nos isla cu no por haya/crece mas den turismo pero con nos a crea un stategia pa otro aeranan cu si por ricibi mas turista/crece mas den turismo.

 

1303575592

 

Pa esnan interesa den e storia ineresante aki por leza mas riba e website di travelandleisure.com.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio