Home Police Kuerpo Polisial Korsou ta informa: Kaso di tiramentu ku morto na Batavierwijk

Kuerpo Polisial Korsou ta informa: Kaso di tiramentu ku morto na Batavierwijk

SHARE

Djabièrnè 19 di mart 2021 alrededor di 21.53’or, un unidat polisial durante nan patruya den área di Batavierwijk a tende zonido di tiru for di un arma di kandela.

Diripiente polis a mira un hòmber kore sali for di Bergweg, krusa dilanti di e vehíkulo polisial i drenta un hanchi den bisendario.

Mesora polis a drenta Bergweg i topa ku un vehíkulo porta habrí i un hòmber bentá abou ku diferente herida di bala na e parti ariba di su kurpa.

Personal di ambulans ku a presentá na e sitio no por a hasi nada mas pa e víktima. Dokter di polis a konstatá morto di e hòmber Nichael M.A. Richards nasé na Kòrsou 8 di desèmber 1999.

Riba òrdu di Fiskal di Ministerio Públiko a konfiská e kurpa sin bida i e vehíkulo pa mas investigashon.