Home International Drama di famia, Homber a mata su pareha y dos yiu, despues...

Drama di famia, Homber a mata su pareha y dos yiu, despues e mes a comete suicidio

SHARE

Henegouwse,Petit-Roeulx-lez-Braine, Belgica
Na Belgica un drama di famia hopi tristo, a costa bida di 4 persona. E homber Johnny H. a mata su pareha, dos yiu y despues e mes a comete suicidio.

Diahuebs, despues cu e curpanan a wordo descubri na Petit-Roeuix-lez-Braine, polis mesora a cuminsa cu un investigacion y hopi lihe a bin compronde cu ta trata di un drama di famia. Na comienso e motibo no tabata conoci y autoridad a sigui haci mas investigacion.

Johnny H. kende ta un metsla di profesion, a asesina su pareha y dos yiu. Segun investigacionnan, Cindy, e pareha di Johnny a duna Johnny un ultimatum, cu pa otro siman e mester sali di cas.

Johnny H. tabata un conoci di polis y tabata violento. Segun su bisiñanan di Henegouwse, Petit-Roeulx-lez-Braine, a describi e situacion familiar uno cu hopi pleito y discussion, te cu Cindy kier a caba nan relacion, pa motibo di e tantisimo pleitonan.

Diahuebs Johnny H. a bira di cabes y a asesina Cindy, nan yiu homber di 4 aña y nan yiu muhe di 8 aña, despues e la tuma e stap di mata su mes.
E yiu muhe mayor di e pareha a yega diahuebs merdia for di scol, sin sa a bin topa cu e senario cruel aki, na momento cu e la habri e porta di cas.