Home Police Varios unidad policial a bay apartamentonan na Cumana, unda un dama a...

Varios unidad policial a bay apartamentonan na Cumana, unda un dama a wordo maltrata

SHARE

Cumana – Diahuebs anochi laat polis a haya informacion cu na un compleho di apartmento na Cumana un dama lo a wordo agredi y/of menasa pa algun persona.

Segun e informacionnan haya di un derde persoon ta cu e dama lo a bay sconde den baño of camber pa nan no mate, a wordo papia di un “algun persona” cu tin mal intecion cu e dama.

Na yegada di varios unidad policial, mesora nan a drenta parti patras di e compleho di e apartamentonan. Polis a topa cu algun habitante y a puntranan si nan por a tende algo of sa unda e problema ta.

Ningun no a scucha nada of tawata sa mes aparentemente di e problema.

Dado momento parse cu un persona lo a sali na careda parti dilanti core bay direccion di un caya tegenover di e compleho.

Polisnan mesora a bay su tras, pero den fraccion di seconde a perde for di bista.

No ta conoci si e persona aki lo tawata tin di haci cu e asistencia.

Mientrastanto e otro agentenan a keda busca na e apartamentonan pa mira si ta topa cu e dama, por a scucha polisnan den e gang bisando cu ta polis, pero nada.

Pues na final, ningun hende sa kiko tur a pasa of a laga di pasa, debi cu polis no a topa cu e dama cu supuestamente a wordo maltrata y menasa.

No a keda e agentenan di continua nan patruya.