Cuater mil kilo di cocaina procedente di Ecuador a wordo intercepta

Rotterdam, Hulanda:

Den e waf na Rotterdam autoridad a intercepta un cargamento grandi di Cocaina, na balor di 300 miyon Euro.

E droga a wordo haya diaranson durante cu douane na waf di Rotterdam tabata controlando e carga. Cargamento grandi di droga tabata reparti den 4425 pakete. Un total di 4 mil kilo di cocaina cu tin un balor riba caya di den careda di 300 miyon Euro.

E droga tabata scondi den un container procedente for di Ecuador, e la yega dia 16 di maart na Antwerpen. E container tabata destina pa un compania di fruta na Rotterdam. E team HARC, cu cooperacion di Douane, FIOD, Polis di waf y Ministerio Publico di Rotterdam ta haciendo mas investigacion riba e hayazgo grandi aki.

E droga mesora a keda confisca y a wordo destrui.