Home Advertorial Yena gasolin durante dianan di fiesta cu ‘Fuel Up’ di CMB facil...

Yena gasolin durante dianan di fiesta cu ‘Fuel Up’ di CMB facil y rapido

SHARE

Manera conoci, clientenan di Caribbean Mercantile Bank N.V. por disfruta di e tremendo servicio conveniente ‘Fuel Up’ pa paga y yena gasolin cual ta obtenibel 24 ora pa dia, 7 dia pa siman. Cu bo bancomatico di CMB, bo por yena bo gasolin facilmente y rapido na Citgo Ponton, Santa Cruz, Sasaki, y Paradera Gas Station.

Esaki ta un servicio obtenibel pa tur clientenan di CMB pa uza cu nan tarheta Bancomatico di CMB. Importante ta pa corda cu esaki ta un servicio cu ta obtenibel tambe riba dianan di fiesta ora cu tur cos ta cera, incluyendo stacionnan di gasolin, brindando bo e trankilidad como cliente di CMB cu bo por bay tank sin ningun preocupacion, ki ora di dia cu e lo ta necesario, facil y rapido.

Bo ta simplemente bay e stacion di gasolin mas cerca di bo cu tin e servicio di Fuel Up, bo ta primi uno pa escohe pa yena gasolin, siguiente bo ta yena e number di e pump cu bo ta bay uza, hinca bo tarheta di Bancomatico di CMB y cantidad di gasolin cu bo kier yena, despues bo ta hinca bo pin, primi OK, y bo ta cla. Finalmente bo ta bolbe hinca bo tarheta, primi number dos pa bo recibo y tank bo gasolin. E ta hopi facil, caminda cu 24 ora pa dia, hasta riba dianan di fiesta bo por yena bo gasolin den tur trankilidad. Cu e servicio aki CMB ta semper mas cerca di bo, percurando pa t’ey pa bo na momento cu mas bo mester manera un bon Amigo.

Bo no tin bo tarheta Bancomatico di CMB? Subi www.eamigo.com, chat cu nos of pasa libremente cerca nos Airport Business Center Smart, Noord Smart Branch of Santa Cruz Smart Branch pa mas informacion y pa aplica pa bo Bancomatico di CMB pa asina abo tambe por disfruta di e tremendo beneficionan cu nos tin pa ofrece’bo.