Chauffeur herida despues di a bolter cu su auto den Julianastraat

Julianastraat – Dialuna merdia pa mas o menos 3:15 informacion a drenta cu un auto a bolter altura di Volkskredietbank Aruba.

Mesora unidadnan policial den Oranjestad a bay unda e accidente a tuma luga.

Pa nan sorpresa e vehiculo a bay para casi memey di Julianastraat.

Prome cu e la bolter tres auto a sufri daño, un Honda Pilot para ariba e crusada cla pa subi, y otro dos auto staciona cu tawata un Hyundai Accent y un Ford Explorer. 

Na yegada di polis e chauffeur a sali caba y no tawata mustra di a sufri heridanan serio.

Ambulance ya lo tawata na caminda y na yegada e Paramediconan lo mester a controla e chauffeur y despues a sali direccion Hospital.