Home » Premio Cultural Playa Pabao 2021

Premio Cultural Playa Pabao 2021

by Admin
0 comment 85 views

Playa Pabao-Directiva di Centro di Bario Playa Pabao, continuando cu su tradiccion cu suma placer ta anuncia cu e Premio Cultural Playa Pabao ta wordo dedica na e promer scol di nos bario cu ta Sint Franciscus College. Pa e motibo aki ta hasi un apelaccion na e pueblo di Aruba y muy en especial e bario di Playa Pabao pa wak su su programa virtual cu lo tuma luga diahuebs 18 di maart via canal 48 cu ta Diario TV.

 

Historia di Sint Franciscus College (SFC)

SFC, un scol catolico cu ta resorta bao di SKOA a habri su portanan 1 di September 1965 cu 6 klas. Ela ser construi cu fondonan di EEG (Europeese Economische Gemeenschap) cu a ser funda na aña 1957. Door cu St. Dominicus School a bira chikito pa e tantisimo muchanan di Playa a bin cu e idea pa construi un scol na Playa  Pabao. Despues a traha tambe entre otro Bon Bini College y Macuarima School. Tur cu e mes un diseño. E linea cu cu ta dividi O’stad pariba y pabao ta Emmastraat, cuminsando for di Sta. Helena te na waf chikito.

SFC a habri cu Mr. Oomen na cabez y tawata un scol exclusivamente pa mucha hombernan so. Despues a construi Bon Bini College exclusivamente pa mucha muhe nan. Na SFC bo tawata haña mucha hombernan grandi caba den zesde klas. E area pa Noord di e speelplaats tawatin hopi material bieu cu a keda atras despues di e construccion. Y mas pa noord tawatin solamente mondi. Tur dia e maestro tawata yena e potchi mei mei di e banki cu inkt y tur mucha ta haña un vloeipapier. Tawata dedica masha hopi tempo pa scirbi bunita y sin haci fout. Tambe tawata tin un local special pa mira peliculanan hulandes na preto y blanco. Esaki tawata practicamente na tur scol na Aruba. Scolnan di playa tawata celebra carnaval en grande cu un parade di scolnan di playa den e cayanan di Oranjestad. Tur disfraz tawata ser traha na scol mes y acaba na cas. Tambe a celebra aña di La Reina cu pustamento di fli riba tereno di RCA y na unda alumno nan por gana premio. Aki familiarnan tawata bin hunto pa yuda subi flinan y na final ta saca ganadornan cu tawata gana premio.

Durante pauze tawata hunga tur sorto di wega y esaki segun e temporada  Manera: tromp, kiniki, baseball, voetbal, juul etc. Pastornan tawata bishita e scol regularmente y den tempo di cuaresma nan tawta parti shinishi riba frenta di tur mucha. E orario di scol tawta di 7.45 am pa 12or pm y despues di 1or pa 3.15 pm di atardi. Esakinan tawata tur dialuna, diaranzon y diabierne. E otro dianan tawata mitar dia. Merdia bo ta bay cas pa come y despues bo ta regresa scol pa sigui cu les nan. Parti atardi tawata tempo pa obra di man, cantamento, lesamento y film. Ta despues cu a bin cu e Mamoet wet, a cambia e orario  pa loke conoce awe en dia. E klasnan tawata grandi cu aproximadamente cu 30 mucha y e bankinan tawata grandi unda 2 mucha por sinta. Nan no tawata laga mucho espacio liber pa cana. Maestro nan tawata hopi estricto y ora di para den rij cada mucha tawata tin su lugar fiho den rij cu tawata marca riba suela. 

Practicamente Papiamento tawata prohibi pa usa riba speelplaats. Pero asina mes nos tawata papie pasobra esey tawata nos lenga. E hulandes pa hopi mucha tabata hopi dificil y pa compronde e maestronan tawata un trauma. Atardi despues di scol casi tur ora tawatin bringamento. Ora di straf tawata un martirio ya cu bo ta kies e stok of blachi pa scirbi. Mayoria tawata kies pe stok pasobra si bo yega cas cu blachi ta mas straf bo ta haña di bo mayornan. Tur dia 2 mucha ta pasa rond cu hemchi di lechi pa parti pa tur mucha. Esaki no ta tur ora tawata baha bon pero bo mester a bebe sin keha.

Den añanan 70 bin ariba a cambia e scol pa uno mixto. Esaki ta encera cu mucha muhernan tambe a drenta scol hunto cu mucha homber nan. Na aña 1971 e scol a conoce un cabesante arubiano, esta mr. Edgard “Ga” Boekhoudt. Den e añanan siguiente Anglo Kleuter school a habri su portanan cu 2 klas na Colegio Bon Bini y 2 na SFC ye tawata bao direccion di juf Agneris Perez. SFC a perde su filmlokaal pa traha espacio pa e kleuters nan. Mas despues Anglo Kleuterschool a muda pa su propio edificio situa den curazon di Madiki. Na aña 1986 Lago a sera su porta nan y e gobierno, como medida di austeridad a sera algun cu a bira chikito y haci nan dependence di un otro scol. Den caso di SFC, esaki lo a bira un dependeance di Colegio Bon Bini cu tawata bao direccion d juf Betty Solognier. Consecuencia di esaki ta cu hopi mayor a dicidi di kita nan yiu nan di SFC, pasobra e futuro di e scol tawata incierto. Te hasta gobierno a dicidi di stop APA (Arubaanse Pedagogische Academie) di tuma studiantenan nobo pa siña bira maestro. Despues cu mayor nan a cuminsa cu protesta e gobierno a dicidi di laga SFC  keto. E siguiente aña escolar e scol a habri normal bek pero mester a tuma muchanan di tur districto y di tur nivel. Esaki a trece un reto grandi pa e maestronan, alumno y mayor nan. Despues di algun aña e scol a bira mas popular, no solamente riba tereno Deportivo pero riba tereno academico. Tambe e scol atraves di maestronan kendenan a pone mas atencion na e parti social-economico di hopi alumno y nan famia. Scol a pone hopi atencion riba e aspect aki y a yuda hopi mucha como mayor pa transita den temponan poco turbulento. Pero cu perseverancia, amor y bao guia di nos patrono, San Francisco di Asis, maestronan a sa di yuda y proteha hopi mucha cu a pone cu hopi di nan aween dia ta persona nan ehemplar den comunidad. Tambe scol a compone su propio himno cu ayudo di defunto dfm Sr. Eddy Bennet, cu te dia di awe tin alunmonan cu sa esaki.

Den aña nan 90 ney SFC a sigui crece y di 6 klas e la bira 10 klas te cu dia di awe. Hasta tawata tin un temporada cu mester a pone trailer riba tereno di scol pa usa como klas pa motibo di aumento di cantidad di alumno. Na aña 1995 Mr. Edgard “Ga” Boeknoudt a baha cu pesioen y Mr. Gerardo Figaroa, kende na chikito tabata alumno di SFC, despues maestro, colega di Mr. Ga, a bira cabesante di SFC.  Scol a sigui crece y ta hopi maestro Hulandes a bin traha na SFC durante e aña nan siguiente. Esaki door di scarcedad di maestronan local. Te dia di awe esey ta e caso. Na 2014 Mr. Gerardo a bay cu pensioen y e ex alumno, y despues colega maestro, juf. Nadine Kirindongo a bira e cabesante nobo di SFC. Kende te dia di awe ta fungi como cabesante y ta haciendo hunto cu su team un tremendo trabou. 

Despues di persevera scol a haya un capa di asfalt na 2018 y na 2020 full e scol a haya airco den tur klas. 

Un scol cu maestronan cu hopi amor, dedicacion y motivacion pa hiba nos scol na e siguiente nivel sigur den e parti di digitalización. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio