Home » Kralendijk – NKBB ta duna konseho pa no vota Kralendijk

Kralendijk – NKBB ta duna konseho pa no vota Kralendijk

by Admin
0 comment 65 views

 

 

Elekshon 2de kamer di Hulanda na Bonaire ta un burla di demokrasia, un trampa – no vota o vota blanku

 

NKBB no tin otro alternativa di konseha e pueblo Boneriano pa no bai vota pa no kai den e trampa di elekshon pa 2de kamer di Hulanda.

 

No vota, pasobra nan no ta respeta nos referendum I nos demokrasia, ni nos derechonan tampoko ley internashonal ku nan mes a firma den tratadonan den Nashonan Uni. Nan lo usa bo voto pa bisa ta bo mes boluntariamente a legalisa e status illegal aki, I bo mes ta bai kontra bo mes voto No den referendum di 2015 ku ta un di e motibunan prinsipal pa Nashonan Uni por pone nos bek riba lista di protekshon di Teritorionan-Sin-Propio-Gobernashon

 

E mesun Knops I otro politikonan I gobiernu Hulandes, asisti I juda pa nan aliadonan lokal ku no ta respeta nos manera di biba, nos kultura, nos norma I balornan, nos tradishonanan, ke destroza nos identidat, ta trapando nos derechonan, awor tin e kurashi di pidi bo pa vota pa nan.

 

  • No vota, pa demonstra ku bo ta kontra ku nos awordu ankra den Konstitushon Hulandes sin derecho igual I ku bo no ke ta un suidadano di segundo rango. Si bo vota bo ta bai eens I konfirma ku bo no ke derecho igual.
  • No vota, pasobra nan lo bisa despues ku ta bo mes a vota i ta akuerdo I juda hasi legal tur e leynan inhustu ku 2de kamer na Den Haag a impone riba nos, I ku no tin problema na Boneiru I tur kos ta ok, ku no tin pobresa I ku tur sobra kos ta nos mes falta, pasobra ta bo mes a vota.    
  • No vota, pasobra abo mes ta bai di akuerdo ku bo lidernan Boneriano ku bo a vota pe I ta den gobiernu aki I no tin poder ni nada di bisa, I ta bo mes ke pa representante di reino I programma mananger I Knops I Hulandesnan na Den Haag sigui disidi riba nos
  • No vota, pa mustra ku bo no ta di akuerdo ku tur sen di belasting ku bo ta paga ta sigui bai Hulanda pa Hulanda sigui usa bo mes sen pa manda Hulandes-Oropeo bin Bonaire bin traha na luga di nos mes hendenan lokal I biba  un bida di rei di nos mes sen di belasting, kaminda nos Bonerianonan ta den pobresa luchando pa sobrebibi.
  • No vota, pasobra Knops I gobierno Hulandes no ta respeta niun di nos otro islanan ruman, nan a deroka e gobiernu di Sint Eustatius, nan a abusa di pandemia di Covid-19 pa yudansa finansiero pa nan chantagia I kita, limita outonomia di Korsou, Aruba I St Maarten 
  • No vota, pa mustra bo malkontentu ku nan no ta respeta nos idioma papiamentu, ta segrega nos yunan den edukashon I limita nan posibilidat pa nan futuro, no ta respeta esfuesonan, sakrifiso I trabao duro di nos penshonadonan I ta introdusi leynan di impuesto I medidanan inhustu kontra nan, 
  • No vota, komo protesta I pa no ta di akuerdo ku e mesun 2de kamer ku no ta respeta e pueblo Boneriano ku ta kristian kreyente I ta nan mes a impone leynan inmoral riba nos.
  • No vota, pasobra nan no ta respeta e pueblo ku a lucha pa jega na su negoshi, kas I bienesnan, I nan a impone leynan inhustu I impuesto pa kibra e negoshi di e Boneriano I kita su edifisionan, kas, tereno , trabao, bienesnan, mientrastantu nan ta sigui enrikesa nan mes a kosto di nos I nos isla.
  • No vota, pasobra nan no ta respeta ku e Boneriano tin derecho di eksistensia komo hende I komo pueblo I goberna su mes I ta invadiendo, a jena Boneiru ku Hulandes oropeonan sin limitashon I awor e Boneriano ta un minoria riba su mes isla. 
  • Si bo donjo di trabao o lidernan di partido o otro nan ta forsa bo pa bai vota bao di menasa e ora vota blanko 
  • No vota, ni duna apoderashon, pasobra si bo duna o bende bo voto, abo lo ta ko-responsabel pa bo nietunan den futuro lo sigui biba sin oportunidat di yega na funshon ni puestonan ni nada riba Bonaire.
  • No vota pa nan pasobra nan no ta konosi pa nos, no tin konsenshi, ni sintimentu ni kompashon pa nos, nan no ta kumpli ku nan promesanan, no ta kumpli ku nan palabrashonan, no ta kumpli ku nan akuerdonan, ets ets                                                                           

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio