Home Dutch Kingdom Tres hoben a asesina un homber 41 aña, pa motibo cu...

Tres hoben a asesina un homber 41 aña, pa motibo cu e tabata gay

SHARE

David a wordo hinka fatalmente pa motibo cu e tabata gay: E la cay lamentabelmente den un trampa di tres hoben cu ta homofobico.

Beveren, Belgica: Diasabra durante dia curpa di e homber David P. (41) a wordo haya morto na Beveren, cu ta keda cerca di Antwerpen. E homber a bira victima di homofobia. E victima via un datingapp pa gays, a wordo acerca pa un supuesto otro homber y inocentemente a cay den trampa di su asesinonan. Na e sitio di su cita e la wordo spera y agredi severamente pa tres mucha homber hoben.

E curpa di e homber a wordo haya diasabra door di un persona cu tabata canando caminda e crimen a tuma lugar. E tabata tira un 20 meter leu for di e rand di caminda y tabata patras di un mondi. Tur evidencia mesora a mustra cu aki ta trata di un crimen. E curpa tabata severamente maltrata y tabata cubri cu sanger.

Mesora autoridad a cuminsa cu un investigacion na e sitio.

Den becindario di e curpa a bin topa cu un BMW preto, e auto aki tabata un lease auto, cu for di diasabra mainta trempan tabata staciona na e sitio aki, pues tur cos ta indica cu e asesinato lo mester a tuma luga diabierna anochi pa diasabra marduga.
E prome pregunta tabata; kiko un homber ta haci asina laat den oranan di anochi na un sitio bandona den un park na Beveren, kiko e la bay haci eynan.

E recherchenan encarga cu e caso hopi lihe a pensa cu e victima lo mester a palabra cu un persona na e sitio aki y e cita aki a caba full fout.

Durante investigacion a bin sali na cla cu e victima lo a wordo acerca pa su asesinonan via un datingapp pa gays. E homber confiado a bay e date, sin tabata sa cu ta trata di un trampa. Tras di e profiel di e persona cu David P. a date, tabata di tres hoben homofobico. Segun e tres hobennan nan intencion no tabata pa asesina David P. pero djis di a dal’e algun wanta y hort’e, pero e victima a bringa bek cu nan y den e pelea e victima a wordo hinca fatalmente den su pecho

E sucedido aki a causa un conmocion grandi den e comunidad Gay na Belgica.
E victima David P. (41) tabata biba na Sinaai, un pueblo na Oost-Vlaanderen. David na bida tabata traha cu un compania  agricultor, e tabata open gay y tabata soltero. Esaki Wim Raes, presidente di VZW TISZO, un organisacion cu ta sali pa derecho di LGBT a informa. Tambe e presidente di VZW TISZO, a sigui bisa ” cu locual a sosode a conmove nos hopi. E peliger di datingappnan, frecuentemente ta wordo subestima hopi. E organizacion ya pa hopi aña ta bin ta avisando caba, di e peligernan cu ta existi, tambe cu mayoria bes e potret di e profielnan ta fake. Na otro paisnan casonan similar a yega di sosode caba, pero awo e la tuma lugar na Belgica.”

Diadomingo e park a keda cera pa publico, brandweer a cera e area cu heki, pa asina polis haci investigacion y rista full e area aki pa mas rastro.

Diadomingo den oranan di mainta un di e sospechosonan a entrega su mes na polis, tabata trata di un hoben di 17 aña, cu ta biba na Antwerpen. Despues di a wordo interoga a keda deteni y cera na un institucion hudicial hubenil.

Dialuna anochi e otro dos sospechosonan a entreganan mes na polis, tabata trata di un otro hoben di 17 aña cu ta biba na Verrebroek y un di 16 aña cu ta biba na Kieldrecht. Durante dia nan lo mester presenta dilanti corte hubenil na Dendermonde. Husiticia a pidi pa ceranan tambe na un institucion hudicial hubenil.

E tres hobennan aki ta conoci di husticia, tur tres tin un lista largo di antecidentenan penal. Segun fuentenan cerca di e investigacion, ta trata di tres hoben cu den pasado caba a yega di agredi personnan gay. E forma cu nan ta traha ta via un datingapp, nan focus mayoria bes ta riba personanan gay y ora nan topa nan date,  nan tabata maltratanan y hortanan. E tres sospechosonan ta kere cu nan homofobia, ta dunanan derecho pa comete robo y maltrata personanan gay.

E biaha aki e situacion a bay completamente for di man. David a resisti fuertemente, e la cuminsa bringa cu nan y durante e lucha David a wordo mata.

Investigacionnan cu ta andando lo mester mustra cuanto persona tabata victima di e tres hobennan aki. Posibelmente tin hopi mas pero tin berguensa di entrega keho.