Accidente entre 3 auto na Piedra Plat cu hende herida

Piedra Plat – Diaranson atardi den careda di 5’or un accidente entre tres auto a sosode y tawata tin hende herida.

Ambulance y departamento di trafico a presenta. Na e sitio polisnan a topa cu tres auto, dos tawata cerca di otro esta un Kia y un Nissan suv, mas padilanti tawata tin un Chevrolet Spark.

Den e Spark dos persona a resulta herida, un dama y un mucha.

Trafico a wordo desvia di parti pariba unda cu e Rapid Responder di ambulance a yega.

Despues di algun rato a presenta dos ambulance cu a trata e heridonan. 

E auto mas patras a ricibi hopi daño material.